2 NENG SATANG 2:6 - Khumi Common Language Bible

⁶ Tameuh i vui ly ami py Achura yhm so pi pajau y leang. Ati mana nai mo na baly temripma pany y na pa-rei kau nai kani khusang malawn py, Tameuh i vawi ly amchei asai rai. Hunai deaungkho y kai ly Tameuh i vui rimui patawi naira Achura yhm naini kasa ai.

2 NENG SATANG 2:6 ပူးပေါင်းရင်းမြစ်များ

2 SAMUELA 7:18

Samrang Davida ly Areng i kanih yhm theung y kun iy ateh i, “Salo kangteng aw Areng, kai hawi kai i yhm dengtheungchi ly kai i vui nang i pahen naira hawi ataing y leang.

1 ARENG KEH 7:13

Samrang Solomon ly Turu mary y awm nai kheupaja thip kawp nai kupe kakawp amyn ly Hiram, napi nai khumi ai palau.

1 ARENG KEH 7:14

Dei chum nai ni i ampo py Turu mary y awm nai ne i, kheupaja thip kawp naira y kupe hawi parai nai khumi ne. Ni i amhm ly Naphtali cheng ne. Hiram ly cheng parai i, kalopra y kyh chawn nai khumi ne. Ni ly samrang Solomon my palau iy sa hai nai kamta, kheupaja hawi sa nai kalop ngierei sa pi nai keung ne.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

1 NENG SATANG 22:15

Nang teng y kalop sa nai keungchi neangneang awm. Lengseaung si nai keungchi, iusai kakawpchi, lasamachi hawi,

1 NENG SATANG 29:14

“Meitang khyp, kai hawi kai i khumichi ly nang teng y ati sai py talam pajau y leang. Ati cheaungkhangchi ly nangmy pei nai amtheaung nairachi ne nai deaungkho y, kaichi ly nang i atitichi naini, nang teng y talam teang nai ne.

2 NENG SATANG 1:10

Hunai deaungkho y huni khumichi ai peang ai nai cheng naira hawi pany thai naira pei kyh ba. Ti y baly kai ly hina tanrei nawi nai nang i khumichi ai ati mana peang pajau ai mo?,” nanai pathang.

2 NENG SATANG 6:18

“Na i py aw Tameuh, nang ly khaileaung salo i khumi neampacho, neampachychi theung y awm pajau na a? Kani khusang malawn py nang awm ai nai akeaung y na baly, kai i sa nai Achura yhm ly mana akeaung ai mo?

THEU NAI 3:11

Na i py Mosi ly Tameuh teng y, “Kai ly vang y nai khumi ne. Aikupta pri samrang teng y chei iy Israela chengchi ai mana kapatheu thai ai mo?” napi.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

II KORINTH 2:16

kamkawm hareichi i vui ly deira y dei ai nai kamui ne; kamkawm takhrachi i vui ly hengra y heng ai nai kamui ne. Hunai kamtachi i vui ly ami pha pajau ai mo?

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

Leu Thui Nai 12:11

Areng ly nangchi i vui mymy ai chiu ai nai meingtym harei ang vawi pi takhra ai. Kaimy leu pei nai kamta nangchi leng patlum nai kapathypra hawi takhra kapathypra bawibawichi, horei y harei hawi katalamrachi, huni meingtym y syn u ai nai tla.

Leu Thui Nai 12:14

nangchi cheng theaungchi theung i theaung harei i khu ka-peangra y Areng my vawi takhra pi nai meingtym y naini, apathyp u ai nai tla. Huni meingtymra naini leng patlum nai kapathypra talam iy, nangchi teng y kaimy thui pi nai ngierei sa u ai nai tla.

Leu Thui Nai 12:26

Nangchi i kapathypra hawi talam ai nai adeu nai langseaungchi ly Areng ai chiu nai meingtym harei khyh naira y syn u ai nai tla.