2 NENG SATANG 2:3 - Khumi Common Language Bible

³ Solomon ly Turu samrang teng y savai pato iy leu pei nai ly “Nang ly kai i ampo samrang Davida teng y samrang yhm sa ai nai molam saitleang keungchi jo pi nai kamta, kai hawi py ka-jo ka-van so sina.

2 NENG SATANG 2:3 ပူးပေါင်းရင်းမြစ်များ

2 SAMUELA 5:11

Turu samrang Hiram ly Davida teng y savaichi pato. Samrang i yhm sa ai nai i vui y Seda keung, lasama hawi iusai yhm sa kawp nai keungchi pato pi bo.

1 NENG SATANG 14:1

Turu mary i samrang Hiram ly Davida teng y ka-sum ka-pai sa nai kamkawm harei pato iy, samrang i yhm sa ai nai saitleang keungchi hawi vanrei, lasamachi, iusai kakawpchi tha pi nai ne.

2 NENG SATANG 13:11

Nichi ly dym tlei, khawn tlei mui katuichi hawi bom verei leng patlum nai kapathyprachi, Areng teng talam u. Reita leaungsai hawi sabawi kachai salo y khai takhra nai takochi talam u bo. Dym tleirei muku maisi yhm khaira tleaung y maisichi thawn u. Kaichi ly Areng i leu pei naichi tangai u. Nangchi ly mymy ai khai u su bo.

2 NENG SATANG 24:14

Nichi ly sa palum teang nai kalop pajau nai khala, samrang hawi Jehojada nini ly palai nai muku hawi tangkachi ai Achura yhm i vui khauchi hawi takhra ateaung alangchi sa naira y pasum nai ne. Jehojada heng nai ryrei ly Achura yhm y kapathyprachi talam jojo nai ne.

2 NENG SATANG 4:19

Samrang Solomon ly Achura yhm i vui muku hawi py ateaung alangchi sa hai bo. Hunichi ly muku maicham, tako kachai khai naira sabawichi,

2 NENG SATANG 8:13

Ni ly Mosi i reita kamta anawn kanichi, lo si pawi kanichi hawi, sanengrei y tlenrei sa nai pawi thomrei, angbo abawi y nai pawi, chohboleh pawi hawi Taichy pawichi khala, leng patlum nai kapathyprachi talam nai ne.

EZARA 6:3

Huni cha aeangra y ly “Empara samrang Kuru my mymy i peang nai angchei saneng y kapathyprachi talam ai nai hawi kapathyprachi leng patlum nai meingtym lawm ai nai molam y, Achura yhm sa palum teang ai nai tla, nanai leu pei nai awm.

NEHEMIA 10:34

Khumi mipuichi, pathyp pi nai keungchi hawi Levi theaungchi ne u nai kaichi ly Reita leu molam y kaichi i Areng Tameuh teng y kapathyprachi leng patlum ai nai i vui aly ngai nai thengchi ly mani nupaichi my syn pi ai nai tla mo, nanai saneng tleitleirei tambe va ai.

THEU NAI 25:30

Huni sabawi ly Leu Maikawm Pawm i mo mang y khai ai nai tla; kai teng y talam nai tako kachaichi py, sabawi salo y avaw y pa-rei khai ai nai tla.

THEU NAI 29:38

“Maicham salo y sanengrei awm khyh nai beram cho nyhrei hawi, kani tleirei apathyp ai nai tla.

THEU NAI 29:39

Khawn mang y harei, dym mang y harei apathyp ai tla.

THEU NAI 29:41

Dym mang y pa-nyh i beram cho talam; khawn mang y talam nai tako dei, olive asitui, kreip hang neh nai jirei, dym mang py talam; Hini ly kai Areng ai kawn hai nai mui kahawi katalamra ne.

THEU NAI 30:7

Aron ly khawn tleirei maisi thawn ai nai sa nai khala y, maicham salo y rimui mui katui patawi ai nai tla.

Levi 23:2

Israela chengchi i chiu sa achu nai pawichi molam y leu pei naichi ly hinichi ne.

Levi 9:17

Naibaly ni ly teicha teinei katalamra i tako dei angsorei la iy, maicham tleaung y leng patlum bo. (Hini ly kani tleirei leng patlum nai kapathypra bo y sa panawi bi nai katalamra ne).

Kati Nai 28:11

Losi kani ha tleirei, Areng teng y no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhrei leng patlum ai nai tla.

Kati Nai 28:9

Anawn kani y katalamra ly no-na by y iy, sanengrei awm khyh nai beram katai nyhrei, olive asitui hawi tako dei sie pangrei katlen nai teicha teinei katalamra, kreip hang katalamrachi talam ai nai tla.