2 NENG SATANG 2:12 - Khumi Common Language Bible

¹² Kani hawi khaileaung sa nai keung Israela khumichi i Areng Tameuh ai ly palo nai awm sy! Mymy ly Davida teng y cheng naira awm nai chapo leaungrei pei pi bo. Huni chapo ly vai, Areng i vui Achura yhm hawi mymy i vui samrang yhm sa ai nai paran bo.

2 NENG SATANG 2:12 ပူးပေါင်းရင်းမြစ်များ

1 ARENG KEH 5:7

Samrang Solomon i taviu nai leu ai Hiram ly thai nai khala, khri pa-rei amo theu bo; naibaly ni ly “Hina tanrei pri kalen peang ai nai Davida teng y khri pa-rei cheng nai chapo ai pei nai Areng ai ly vaini palo u!” nanai thui.

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

2 NENG SATANG 2:1

Samrang Solomon ly Areng ai chiu ai nai Achura yhm py, mymy i vui samrang yhm py sa ai nai ka-dawn awm.

2 NENG SATANG 2:13

Hunai deaungkho y Huram napi nai kupe kakawp ai, nang teng y kang pato pi ai. Nichi ly cheng naira awm iy kalopra y kawp parai nai khumi ne.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 102:5

Kai ly tao pajeng parai naimy tangam bo; kai teng y hiu hawi peih naini awm khyh bo.

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

LUKA 1:68

“Israelachi i Areng Tameuh ly palo nai awm sy: Ati mana nai mo nabaly khaileaung palum angchei kha i ka-so

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 4:24

Hunaibaly tangai naichi ly vanrei my Tameuh teng y, “Aw Areng, nang ly kani khaileaung hawi, pangli hawi, nichi theung y awm nai bawibawichi ai sa nai keung ne.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

AMTENG HAI NAI 10:6

“Ajeng veangveang bi ai nai ly by y leang bo:na i py kani pri i amtaw thau nai saryh i nai eng ai nai neng thym khala y ly Tameuh i leu kathiu, mymy i miseaung amochi teng y satang kahawi thui pi nai kamta angym ai bo,” nanai,

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.