2 NENG SATANG 19:3 - Khumi Common Language Bible

³ Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 19:3 ပူးပေါင်းရင်းမြစ်များ

1 ARENG KEH 14:13

Israela mipui bawibawichi ly ni i vui y paleung si vo tangam nai ka-ma-ra sa iy, ni i veu ai ly up ai. Jeroboam i yhm dengtheungchi theung y, huni deaungdi leaungrei ai naini hawihai palai up ai. Ati mana nai mo nabaly Israela chengchi i Areng Tameuh ly huni deaungdi leaungrei ai naini khrei khyh nai deaungkho y ne.

2 NENG SATANG 11:16

Israela chengchi i Areng Tameuh ai chiu takengkei ai ngai nai Israela theaung bawibawichi ly mymychi i Areng Tameuh teng y kapathyprachi talam ai nai Levi theaungchi hawi vanrei, Jerusalem mary y abang u nai ne.

2 NENG SATANG 12:12

Samrang ly Areng i mo y tahm apanem nai deaungkho y, Areng i kado theu nai ly ni i tlang tleaung y tym hai bebe y leang. Naibaly Juda pri y py tlamsa naira nga nai ne.

2 NENG SATANG 12:14

Samrang ly Areng i kangai sa ai nai paleung ka-dawn by y nai deaungkho y, hawi y nairachi sa bo.

2 NENG SATANG 15:12

Nichi ly mymychi i amsi pajochi i Areng Tameuh ai, paleung hawi tlang verei chiu ai, nanai Leu Maikawm sa u nai ne.

2 NENG SATANG 15:15

Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 20:33

Na i py myn chiu nai meingtymchi taphra y. Khumichi ly mymychi amsi pajochi i Areng Tameuh ai chiu ai nai paleung apei y nai ne.

2 NENG SATANG 22:9

Jehu ly huni khumichi ai padei be chum baly, khumi phyreichi ai Ahazia ai hau hai bo. Nichi ly Samari mary y aheu nai Ahazia ai niu i, Jehu teng y tym hai. Naibaly Ahazia ai padei u bo. Na i py nichi ly Areng i kalop ai paleung apei parai naimy sa nai samrang Jehoshapha ai tahm khai nai deaungkho y, ni i katu Ahazia i veu ai ly up nai ne. Ahazia yhm dengtheung i dengdairei pri peang ai nai khumi leaungrei py by y leang bo.

2 NENG SATANG 27:6

Jotham ly mymy i Areng Tameuh my leu pei nai ai sai py takhawi y naimy tangai nai deaungkho y, sa thai naira len ryh len ryh nai ne.

2 NENG SATANG 30:19

“Aw kaichi amsi pajochi i Areng Tameuh, huni khumichi ly kachai aso y teu i py, nang ai paleung hawi verei chiu naichi ne nai deaungkho y, nang ly neaung hawi parai nai saho y, nichi ai ly pahen pi kyh ba,” nanai chiu sa bo.

EZARA 7:10

Ezara ly mymy deungrei Areng i Reita leu amtiu nai, tangai nai hawi atyp nai ne i, huni Reita theung y awm nai leu pei naichi hawi reita tanynchi ai Israela chengchi teng y patiu pi nai ne.

SAM 57:7

Aw Tameuh, kai ly nang ai ym tatang bo; hunai deaungkho y kai ly khulym thui naimy nang ai palo ai!

ROM AVANGCHI TENG Y PAWLA I CHA PA NAI 7:18

Kai theung y (huni ly kai i tlang y ly, nanai sai ne), atiti kahawi ha py by y, nanai kapany; ngai naira ly kai theung y awm teu i py, atiti kahawi sa nai ly by y leang.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.