2 NENG SATANG 19:2 - Khumi Common Language Bible

² Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

2 NENG SATANG 19:2 ပူးပေါင်းရင်းမြစ်များ

1 ARENG KEH 16:1

Hanani i chapo amo Jehu teng y Baasa i vui Areng teng i leu tym hai nai ly:

1 ARENG KEH 16:12

Hunai deaungkho y amo Jehu dengdairei Baasa teng y Areng my leu pei nai kamta, Zimari ly Baasa hawi yhm dengtheung bawibawichi ai padei pawn nai ne.

1 ARENG KEH 16:7

Baasa ly Areng i tlang tleaung y kamngo sa nai deaungkho y, amo Jehu my, Baasa hawi yhm dengtheungchi i vui y leu pei. Baasa ly mymy ny y rai khala i peang nai samrang Jeroboam kamta, kamngo sa nai khyh chang y i, Jeroboam hawi yhm dengtheung bawibawichi ai padei nai deaungkho y, Areng ly ni i tlang tleaung y kado theu nai ne.

1 ARENG KEH 21:25

(Areng i mei ka-niu y khri pa-rei kamngo sa nai Ahab kamta ly leaungrei py by y; ni i sa nai sai bawibawichi ly samrangnu Jezabela i pachei nai leu molam y ne.

1 ARENG KEH 22:44

Jehoshapha ly Israela samrang hawi py ka-dyh ka-dawi asa nai ne.

2 NENG SATANG 16:7

Huni neng khala amo Hanani ly samrang Asa teng y chei iy, “Samrang nang ly nangmy i Areng Tameuh ai paleung pado y naimy, Suria samrang ai paleung pado lawh nai deaungkho y, Israela tavaimichi ly nang teng i nai tleaung veng bo.

2 NENG SATANG 18:1

Samrang Jehoshapha ly nang chawn iy, amyn amthang nai khala, Israela samrang Ahab i yhm dengtheungchi hawi vui ala i, miso ateaung u bo.

2 NENG SATANG 18:28

Naibaly Israela samrang Ahab hawi Juda samrang Jehoshapha nini ly Kilead pri Ramoth mary y tiu ai nai chei hawi bo.

2 NENG SATANG 18:3

Ni my, “Nang ly Ramoth mary y tiu ai nai kai hawi vanrei chei ai a?,” nanai deng. Jehoshapha my, “Nang chei ai nai angveirym baly kai py angveirym nai teu bo. Kai i tavaimi kamkawm py hunai kamta ne teang. Kai ly nang hawi amkawm ai,” napi

2 NENG SATANG 18:7

Ahab my, “Takhra amo leaungrei awm rai. Ni ly Imala i chapo Mikaia ne. Na i py ni ly kai i vui mana khala py kahawi thui vai y; hawi y naira naini thui khyh nai deaungkho y, ni ai kai ly mei angai y,” napi. Huna nai khala Jehoshapha my, “Nang ly tuni leu thui ngau y,” napi.

2 NENG SATANG 19:1

Juda samrang Jehoshapha ly Jerusalem mary samrang yhm y hawihai palai tym teang bo.

2 NENG SATANG 19:10

Mary takhrachira awm nai amy cheng tengtawi atleh nai py ne sy, reita tanyn hawi Reita leu pei naichi taphra nai py ne sy, nangchi teng y tym hai nai tleirei, nichi ly tara chih naira y Areng i tlang tleaung y tamang y ai nai, nangchi my hawihai palai thui pi ai nai tla. Huna kamta so y lawh baly nangchi hawi nangchi i tlang tleaung y Areng i kado theu naira tym ai. Na i py nangchi ly nangmychi i sa ai avo nai kamta sa u lawh baly, kamngo tlo y ai.

2 NENG SATANG 20:34

Jehoshapha i samrang sa angchei nai dengdai tem khala khrairei, ni i sa nai leaungsai bawibawichi ai Israela samrangchi i cha-iu, Hanani i chapo Jehu i cha-iu theung y tajiu pi typ nai ne.

2 NENG SATANG 24:18

Hunai deaungkho y khumi mipuichi ly Achura yhm y amsi pajochi i Areng Tameuh ai chiu nai khai su iy, mynchi hawi Asherah tameuhnu i tamkhawnchi ai chiu u. Hina nai nichi i sa nai kamngo molam y. Areng i kado theu nai ly Juda pri hawi Jerusalem mary tlang tleaung y tym bo.

2 NENG SATANG 26:18

paka ai nai chei u i, nichi my, “Aw samrang Uzia awi, nang ly Areng teng y mui katuichi leng patlum ai nga nai ny y. Hini kalop sa ai nai a-au yb naichi ly Aron i kangpreang pathyp pi nai keungchi ne khyh. Hini meingtym kachaira i dengdairei theu ba. Samrang nang ly Areng i tlang tleaung y kamngo sa bo. Hunai deaungkho y nang ly Areng Tameuh teng i amtheaung naira ngo y leang bo,” napi.

2 NENG SATANG 32:25

Na i py samrang Hezekia ly amlyh am-e nai deaungkho y, Areng i sa pi nai ai kawn ai nai pany y. Huna nai y Juda pri khumichi hawi Jerusalem mary i khumichi ly patang naira avum u.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

SAM 21:8

Samrang ly my i paleung ka-e bawibawichi ai patiu ai. Mymy ai niu ngai y nai khumi bawibawichi ai patiu pawn ai.

SAM 68:1

Tameuh ly ang thau iy mymy i paleung ka-echi ai ahei hai; mymy ai niu ngai y nai khumichi ly sum iy preang pawn bo.

SAM 71:15

Kai ly nang i hawi nai sai kathui ai; nang i atleu nai ly kai i pany nai tleaung y thiu parai nai ne; na i py huni pahen nai satang ai kai ly kani khengrei thui ai.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

AMOS 7:14

Naibaly Amo my, “Kai ly vang-nu la iy amo sa nai amo ny y. Kai ly beram typ nai keung ne iy, thaidu keungchi kry nai khumi teu.

JOHAN 15:18

“Khaileaung prichi my nangchi ai niu ngai y baly, nangchi ai niu ngai y rai khala y my kai ai niu ngai y nai bo, nanai nangchi pany.

JOHAN 15:23

Vai ly nichi ly kamngo akhi ai naira ngo y leang bo. Ami py kai ai niu ngai y nai ly Ngaai ai py niu ngai y nai bo.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

ROM AVANGCHI TENG Y PAWLA I CHA PA NAI 1:30

arum paviu atyhtyh naichi, khumi ai preaung naichi, Tameuh ai niu ngai y naichi, kamlaichi, am-e naichi, apalo naichi, atiti kamngo kangtha patheu nai keungchi, amhm ampo i leu tangai y naichi,

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 8:7

ati mana nai mo nabaly tlang i ngai nai ly Tameuh ai tiu nai ne; huni ly Tameuh i reita anui y akhai y leang, akhai py akhai thai y leang:

EPHESI 5:11

Naibaly kaveng i ti ti sa nai athai awm vai y naichi ai ly den py abawi u moh ly, huni tleaung y ly mymychi ai phai parip;

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

Leu Thui Nai 33:11

Aw Areng, nichi cheng theaung ai lo-pa hai kyh ba; Nichi i sa nai tleirei y kawn pi kyh. Nichi i paleung ka-e bawibawichi ai ang thau pajau y na pa-rei chiu piupa kyh ba.”

Leu Thui Nai 5:9

Huni mynchi ai lu meung u moh, chiu py chiu u moh; ati mana nai mo na baly kai ly nangchi i Areng Tameuh ne iy, takhra tameuhchi ai niu ngai y nai Tameuh ne. Kai ai niu ngai y naichi i tlang tleaung y py, nichi i kangpreangchi teng y py deungthom deng palyh khrairei pajeng naira katym hai ai.

Leu Thui Nai 7:10

Na i py mymy ai niu ngai y nai khumichi teng y, mymy i pajeng naira ly patyh vai y leang.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

1 SAMUELA 9:9

Sawla my, “Hawi nai katau ne! ani chei hawi sina,” napi. Hunai deaungkho y nini ly khumi kachai i awm nai meingtym mary y chei hawi bo. Nini ly mary awm nai mawi mang y lyn kalau nai thym khala y, nini ly tui deu ai chei nai anglo phyrei hawi avum. Nini my neampachychi teng y, “Mary theung y niu thai nai keung awm a,” nanai deng. (Huni neng khala y amo ai ly niu thai nai keung, nanai palau; khumi ami py ne sy, Tameuh teng y deng ai nai ngai baly, “Niu thai nai keung teng y chei u sina,” nanai thui u reng nai ne.)