2 NENG SATANG 18:7 - Khumi Common Language Bible

⁷ Ahab my, “Takhra amo leaungrei awm rai. Ni ly Imala i chapo Mikaia ne. Na i py ni ly kai i vui mana khala py kahawi thui vai y; hawi y naira naini thui khyh nai deaungkho y, ni ai kai ly mei angai y,” napi. Huna nai khala Jehoshapha my, “Nang ly tuni leu thui ngau y,” napi.

2 NENG SATANG 18:7 ပူးပေါင်းရင်းမြစ်များ

1 ARENG KEH 18:17

Ahab ly Elija ai avum nai khala ni teng y, “Israela pri y patang hai nai keung ai kai avum bo!” nanai thui.

1 ARENG KEH 18:4

Areng i amochi ai padei nai thym khala y, Obadia ly amo leaung chungvaireichi ai kamkawm nyhrei sa i, kamkawm harei y leaung vui pangrei, tapiuchira y heu iy teicha teinei hawi tui py pei pi nai ne.)

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

1 ARENG KEH 22:8

Ahab my, “Takhra amo leaungrei awm rai; ni ly Imala i chapo Mikha ne. Na i py ni ly achi i vui y mana khala py kahawi thui pi vai y; hawi y naichi ai naini avawrei thui pi khyh nai deaungkho y, kai ly ni ai ngai y,” napi. Hunaibaly Jehoshapha my, “Tuni leu ly thui ngau y!,” napi.

2 ARENG KEH 9:22

Joram my, “Nang ly tlamsa nai ka-dawn hawi jeu nai a?,” nanai deng. Jehu my, “Nang i ngamhm Jezabela my sa amteaung nai uimiu atam kawp nai hawi myn chiu naichi awm nai ryrei ly ati mana tlamsa naira awm pajau ai mo?,” napi.

2 NENG SATANG 18:13

Na i py Mikaia my, “Kai ly Areng i leu pei nai kamta thui pi ai, nanai heng nai Areng i amyn y adeu naimy kathui bo!,” napi.

2 NENG SATANG 18:6

Na i py Jehoshapha my, “Ani i vui Areng teng y deng pi ai nai amo takhra by y bo a?,” napi.

2 NENG SATANG 18:8

Hunai deaungkho y samrang Ahab ly samrang yhm i miteaung keh leaungrei ai palau iy, Mikaia ai vaimy jeu hai praw ai nai pato bo.

SAM 34:21

Khumi hawi y naichi ly mychi i kamngo nai molam y dei u ai. Khumi kahawi ai niu ngai y nai khumichi ly kamngo pajengra avum u ai.

SAM 55:3

Paleung ka-echi i pajei nai molam y, kai ly jei hyn nai ne; khumi hawi y naichi i ana nai molam y, kai ly paleung phra atho di bo. Nichi ly kai ai ngari kamtang avum hai; nichi ly kai i tlang tleaung y kado theu iy, niu ngai u y bo.

SAM 69:14

Aneaung kapan theung y anum y ai nai kai ai atleu kyh ba; paleung ka-echi teng i nai py, tui kathiu mang i dengdairei py atleu kyh ba.

LEU KACHENG 25:12

Lulip pany naira angym nai khumi i pany hai nai leu ly tangai ai ngai nai khumi i vui y muku kiusabyh tleaung y py, muku tangcheng hawi sa nai ateaungchi tleaung y py vang teng keh nai ne.

LEU KACHENG 29:10

Khumi ai padei nai khumi ly khumi kahawi ngiereichi ai niu ngai y nai ne. Na i py khumi kahawichi ly khumi kahawichi i hengra ai ama hai reng.

LEU KACHENG 9:8

Paleung len nai khumi ai, hawi palum ai nai mana khala py atho so moh. Huna nai atho sa nai khumi ai ly niu ngai y ai. Na i py khumi kacheng ai thui parip nai khumi ai ly tahm khai ai.

ISAIA 30:10

Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

AMOS 5:10

Tara jeungchira y teng y nai ai thui tamawn iy, leu meitang katheu nai khumichi ai naini, nangchi ly niu ngai u y lawh.

MIKHA 2:7

Israela chengchi ly amsawi lawi bo, nanai athang khai a? Areng ly neaung kham pajau na bo a? Mymy ly huna nai sa takengkei ai bo a? Kahawi sa nai khumichi teng y, mymy ly kapahen leu thui pi ai ny y a?,” nanai kai teng y thui u ali teang bo.

MARKA 6:27

Naibaly samrang ly mymy ai typ nai keung tavaimi leaungrei ai pato praw iy, ni i lu la ai nai leu pei: naibaly ni ly theaung y ni i lu tameang iy,

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 7:7

Khaileaung prichi my nangchi ai ly niu ngai y ai nai awm thai y leang mang; kai naini nichi i atiti sa naichi ly hawi y, nanai thui pi pachai reng nai deaungkho y nichi ly kai ai niu ngai y.

KALATIA 4:16

Hunaibaly kaimy leu meitang khyp kang thui pi nai deaungkho y nangchi i paleung ka-e ne lawh a?