2 NENG SATANG 18:5 - Khumi Common Language Bible5 Hunai deaungkho y Ahab ly amo leaung 400 reichi ai palau i nichi teng y, “Kai ly Ramoth mary y tiu ai nai avo a, avo y a?,” nanai deng bo. Amochi my, “Huni mary ai tiu ba. Areng my nang ai eaung naira pei ai,” napi u. အခန်းကိုကြည့်ပါ။ |
Na i py Jerusalem mary i amochi ly huni khumichi tleaung y malawn py, hawi y keh nairachi sa u nai kaniu. Nichi ly ami i aju chanauchi taphra iy ka-chawi thui u. Nichi my khumichi ai teng y naichi sa ai nai atho pei u; hunai deaungkho y ami py, amy i hawi y sa naichi anawn u y nai ne. Nichi bawibawi ly kai i mei ka-niu y Sodom mary i khumichi hawi atawm u bo. Jerusalem mary i khumichi ly Komora mary i khumichi kamta, kamngo sa u bo,” napi.
Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.
Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.
Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.