2 NENG SATANG 18:31 - Khumi Common Language Bible

³¹ Naibaly nichi ly samrang Jehoshapha ai niu nai khala, Israela samrang palawn iy alengli teang i tiu u bo. Na i py Jehoshapha aeu nai khala, Areng Tameuh my ni ai ama hai i, paleung ka-echi ly takhra mang y amhi iy tiu u.

2 NENG SATANG 18:31 ပူးပေါင်းရင်းမြစ်များ

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

2 NENG SATANG 13:14

Juda chengchi ly nithun mang y khen alengli nai khala, mymychi ai katanmeuh nai niu nai deaungkho y, Areng teng y, “Sabawm kyh ba,” nanai aeu u. Pathyp pi nai keungchi ly bawchi eng u.

2 NENG SATANG 13:15

Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 18:30

Suria samrang ly my i tavai ka-ri lu sa naichi teng y, Israela samrang ny y baly takhra ami ai py tiu y ai nai leu pei bo.

2 NENG SATANG 18:32

Tavai ka-ri lu sa naichi ly Israela samrang ny y, nanai pany baly aheang vui nai ne.

2 NENG SATANG 26:7

Tameuh ly ni ai Philistia chengchi, Kurabala mary y awm nai Arab chengchi, Meunit chengchi ai tiu ai nai sabawm.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 7:27

Ezara my, “Achi i amsi pajochi i Areng Tameuh ai ly palo u! Mymy ly empara samrang teng y Jerusalem mary y awm nai Areng Tameuh i Achura yhm ai, hina nai tahm khai ai nai paleung pei pi lawh bo.

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

SAM 118:13

Kai ly khri pa-rei ang tiu nai avum iy sum teu i py, Areng ly kai ai sabawm bo.

SAM 34:7

Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 56:10

Kai ly Areng i adeu nai leuchi ai kapalo nai ne.

SAM 94:17

Areng my kai ai sabawm y lawh teu baly, kai ly khumi angso savai tlang nai meingtym y, tym kasa lawh ai nai ne.

THEU NAI 14:10

Israela chengchi ly samrang i tavaimichi my hui nai niu u baly, khri pa-rei jei u i, sabawmra nga ai nai Areng teng y aeu naimy takeng u.

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.