2 NENG SATANG 18:21 - Khumi Common Language Bible

²¹ phailo my, ‘Kai ly Ahab i amochi teng chei iy, nichi ai li-tapawp nai leu thui hai ai,’ napi. Areng my py, ‘Nang chei iy Ahab ai tapawp hyp ba; eaung naira nga ai,’ nanai leu pei bo,” napi.

2 NENG SATANG 18:21 ပူးပေါင်းရင်းမြစ်များ

2 NENG SATANG 18:19

Areng my, ‘Ahab ly Ramoth mary y chei iy, padei nai avum ai nai ni ai ami my li-tapawp ai mo?,’ nanai deng baly kani pri amtaw thauchi my, leaung leaungrei thui pi akyhkyh nai ne.

2 NENG SATANG 18:22

Naibaly Mikaia my, “Areng ly hini amochi ai nang teng y tapawp nai leu thui hai bo. Na i py nang i avum ai nai ka-jeira ly Areng mymy kypkyp my pasym pi ai!,” napi.

JOBA 1:12

Areng my, “Ni i peang nai ngiereichi ai, nang i kiu tleaung y kang-au; na i py ni i tlang ai ly abi moh " napi. Naibaly setan ly mymy teng i nai leh vui bo.

JOBA 2:6

Hunaibaly Areng my, “Ni ai nang i kiu y kang-au mang. Na i py nang ly ni i tlang ai ly padei moh,” nanai leu pei.

SAM 109:17

Ni ly amsawi si nai ne i, mymy ly amsawi lawi kalei sy! Ni ly ami ai amtheaung naira pei ai nai ngai y i, ami py ni ai amtheaung hai moh sy!

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 20:8

ni ly khaileaung taki palyhrei y awm nai chengchi, Koka hawi Makoka ai tapawp iy, nichi ai tavai atiu naira y pahawi achu ai nai theu ai; hunichi i nawi nai sai ly pangli i spryh kamta ne.

TARA CHIH NAI KEUNGCHI 9:23

Hunaibaly Tameuh my Abimelek hawi Sekhem mary i khumichi ai khrukhra hai nai deaungkho y, nichi ly Abimelek ai tiu u bo.