2 NENG SATANG 17:7 - Khumi Common Language Bible

⁷ Peang nai pa-thom saneng y Jehoshapha ly bangtangchi napi nai Benhaila, Obadia, Zekhariah, Nathanela hawi Mikaiachi ai Juda pri y thui parip ai nai pato bo.

2 NENG SATANG 17:7 ပူးပေါင်းရင်းမြစ်များ

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

2 NENG SATANG 30:22

Areng ai chiu naira y tamang y naimy pahawi pi nai deaungkho y, samrang Hezekia ly Levi theaungchi ai palo nai ne. Nichi ly mymychi amsi pajochi i Areng Tameuh ai palo iy, kani saryh ryrei apathyp u chum nai khala,

2 NENG SATANG 35:3

Israela chengchi ai atiti patiu pi nai, mymychi ai Areng teng aau yb nai Levi theaungchi teng y samrang my, “Davida i chapo samrang Solomon i sa nai Achura yhm theung y Leu Maikawm Pawm khai u. Nangchi ly huni Pawm ai meingtym kasyh piupa y naimy, nangchi i Areng Tameuh hawi mymy i khumichi i vui kalop so u.

EZARA 7:25

Nang, Ezara ly nang teng y Tameuh my ang pei nai cheng naira ai teaung iy Euphrat tavo pui nidym ka-peangra y, nang i Tameuh i leu tangai u nai khumi bawibawichi ai peang ai nai molam y, peang nai keungchi hawi tara chih nai keungchi ai khai takhra ba. Nang ly huni reita leu pany y nai khumichi ai patiu pi ba.

NEHEMIA 9:3

Nichi ly mymychi i Areng Tameuh i Reita leu phain nai ai nari thomrei tangai u chum baly, huni bo i nari thomrei ly mymychi i kamngo ahui u naimy, mymychi i Areng Tameuh ai chiu u nai ne.

SAM 34:11

Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

SAM 51:13

Huna nai khala y kai ly kamngo sa tamang nai khumichi ai nang i leu pei naichi patiu pi ai; nichi py nang teng y jeu u ali teang ai.

Parip nai leu 1:12

Kai, kathiu dawn pasym kawp nai khumi kacheng ly Jerusalem mary y awm iy Israela pri ai peang nai keung samrang ne.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

Levi 14:42

Naibaly la pawn nai lengseaungchira y takhra lengseaungchi theng teang iy, angpangchira angkadeng kangtha pajui teang ai nai tla.

MATTHAI 4:23

Naibaly Isu ly Judachi i achura yhm takhra takhra y leu patiu i Tameuh i peang nai Satang Kahawi thui pi iy, khumichi theung y no nai cheaungkhang man nai hawi, ham y naira cheaungkhang hawi sa pi nai Kalili pri bawibawi amki prei bo.

MARKA 4:2

Naibaly mymy ly nichi teng y pata nai leu y atiti neangneang patiu; naibaly mymy i patiu nai leu y ly nichi teng y,

AMTAW 1:1

Theophila awi, angchei i cha y ly Isu i atiti sa nai hawi, patiu angchei nai leu bawibawi ly,

Leu Thui Nai 33:10

Nichi ly nang i khumichi ai nang i reita patawm ai nai patiu pi ai; Nichi ly nang i maicham tleaung y apathyp u ai.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.