2 NENG SATANG 17:6 - Khumi Common Language Bible

⁶ Ni ly Areng ai chiu naira y paleung apei parai i, Juda pri i myn chiu nai meingtymchi hawi Ashara tameuh nu i tamkhawn ngiereichi ai taphra nai ne.

2 NENG SATANG 17:6 ပူးပေါင်းရင်းမြစ်များ

1 ARENG KEH 22:43

Ni ly mymy ny y rai khala i peang nai ampo Asa kamta, Areng i mei ka-niu y hawi parai naichi sa. Na i py myn chiu nai meingtymchi ly taphra y nai deaungkho y, khumichi ly huni meingtymchi ra y apathyp iy, rimui patawi u jojo.

2 NENG SATANG 14:2

Asa ly hawi nai kalop hawi kateng kataw sa nai deaungkho y, Areng i mo y meimai nga.

2 NENG SATANG 14:3

Ni ly cheng takhra khumichi i maichamchi hawi myn chiu nai meingtymchi taphra iy, leungchengchi hawi tamkhawnchi taphra piupa pawn nai ne.

2 NENG SATANG 15:17

Myn y chiu nai meingtym awm nai ngiereichi taphra y tei i py, Asa ly mymy deungrei Areng ai ym nai ne.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 20:33

Na i py myn chiu nai meingtymchi taphra y. Khumichi ly mymychi amsi pajochi i Areng Tameuh ai chiu ai nai paleung apei y nai ne.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

JOBA 22:26

Hunaibaly nang ly Tameuh ai ym jojo iy, nangmy i amo theu nai sangum ly mymy ne, nanai pany ba.

SAM 119:1

Areng i Reita leu ai sa patawm iy, kamngo by y pa-rei heng nai khumi ly taham hawi.

SAM 138:5

Nichi ly nang i sa nai leaungsaichi ai py, nang i nang parai nai phum-angchi ai py, khulym hawi palo u ai.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

AMTAW 13:10

“Nang tapawp nai khumi hawi mei amcheu rawi nai cheaungkhang kawi nai keung, nang diabola i chapo nang hawi naira cheaungkhang ai paka nai keung awi, Areng i lam teng parai nai taphra nai ly nang anawn y ai a?

Leu Thui Nai 28:47

Areng my nangchi ai ati cheaungkhangra y amtheaung hai bo, na i py nangchi ly mymy i kalop ai paleung amo theu parai naimy so u y.