2 NENG SATANG 17:5 - Khumi Common Language Bible

⁵ Areng ly Jehoshapha peang nai khaw hai bo. Khumi mipuichi ly ni teng y langseaungchi syn pi. Hunai deaungkho y samrang ly nang chawn i, tahm asang bo.

2 NENG SATANG 17:5 ပူးပေါင်းရင်းမြစ်များ

ATITI AWM ANGCHEI NAI 13:2

Abram ly muku, tangka, sichi, beramchi, mi-ichi khri pa-rei nang nai ne.

1 ARENG KEH 10:25

Saneng tleirei jeu u nai khumi bawibawichi ly muku ateaung, baichu ateaung, tavai ateaung, rimui cheaungkhang, keaungngo hawi keaungngo kano kasauchi langseaung talam u nai ne.

1 ARENG KEH 10:27

Ni i peang nai deung y Jerusalem mary theung y tangka ai ly lengseaung kamta palawn iy, saitleang keung ly Juda mawi kheutangra y prau nai po kalang keungchi kamta, neangneang prau nai ne.

1 ARENG KEH 4:21

Solomon ly Euphrat tavo dengdairei Philistin pri hawi Aikupta pri khujyh khrairei awm nai pri bawibawichi ai peang nai ne. Huni prichi ly samrang teng y kahm pei u iy, samrang heng nai ryrei ly ni i anui y awm nai prichi lawm bo.

2 NENG SATANG 1:15

Ni i peang nai deung y Jerusalem mary y muku hawi tangka ly lengseaung kamta, saitleang keung ly Juda mawi kheutang ra y prau nai thaidu keung kamta nawi nai ne.

2 NENG SATANG 18:1

Samrang Jehoshapha ly nang chawn iy, amyn amthang nai khala, Israela samrang Ahab i yhm dengtheungchi hawi vui ala i, miso ateaung u bo.

2 NENG SATANG 32:23

Khumi neangneangchi ly Areng i vui katalamrachi hawi, samrang Hezekia i vui langseaungchi py, Jerusalem mary y syn pi u bo. Huni neng dengdairei Hezekia ly pri takhrachi i mo y, tahm asang nai ne.

2 NENG SATANG 9:27

Ni i peang nai deung y tangka ly Jerusalem mary theung y lengseaung kamta py, saitleang keung ly Juda mawi kheutang ra y prau nai thaidu keungchi kamta nawi nai ne.

JOBA 42:12

Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.

SAM 127:1

Areng my yhm so pi y baly sa nai keungchi i kalop ly atyhtyh teu; Areng my mary typ pi y baly tamcheaungchi i typ nai py atyhtyh teu.

SAM 132:12

Samrang lawm iy peang jojo ai nai nga u ai,” nanai nang i miseaung Davida teng y vaineng abeu bo; nang ly huni adeu nai leu ai ajiu ali teang ai ny y.

SAM 68:29

Jerusalem mary Achura yhm i nai, kaichi i vui teaung ai nai sa thai naira patei pi kyh ba.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 76:11

Nang i Areng Tameuh teng y adeu nai ly talam u; tengpang sahawi y awm nai khumi cheaungkhangchi awi, mymy teng y langseaungchi syn pi u.

LEU KACHENG 16:12

Samrangchi ly hawi y sa nai ai niu ngai y; ati mana nai mo nabaly adyh adawi khala naini, peang nai sai khaw ai nai ne.

MATTHAI 2:11

Naibaly nichi ly angtheung y kun u iy amhm Mari teng y deaungdicho ai niu, naibaly ambeu iy mymy ai chiu bo: naibaly mymychi i yhmtheaung khai naira paeaung u i, mymy teng y muku, kathan, mura talam iy pei u bo.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

1 SAMUELA 10:27

Na i py khumi hawi y naichi my, “Hini khumi ly kaichi ai ati kahawi ang sa pi pajau ai mo?,” napi u. Nichi ly Sawla ai tahm khai u y i, ati langseaung py pei u y.