2 NENG SATANG 17:3 - Khumi Common Language Bible

³ Jehoshapha ly ampo Asa peang angchei khala i sa nai kamta, Bala tameuh ai chiu y nai deaungkho y, Areng ly ni ai amtheaung hai bo.

2 NENG SATANG 17:3 ပူးပေါင်းရင်းမြစ်များ

ATITI AWM ANGCHEI NAI 39:21

Na i py Areng my Josepha ai awm hai nai deaungkho y amtheaung hai; naibaly theaung kry nai keung teng y mymy ly meimai kahawi nga nai ne.

2 SAMUELA 5:10

Ati cheaungkhang sa thai nai deungtasa Areng Tameuh ly Davida hawi vanrei awm hai nai deaungkho y, sa thai naira awmra awmra nai ne.

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

1 ARENG KEH 11:6

Ni ly Areng i mo y kamngo sa naimy, ampo Davida kamta ly Tameuh teng y ahihawi y bo.

1 ARENG KEH 22:43

Ni ly mymy ny y rai khala i peang nai ampo Asa kamta, Areng i mei ka-niu y hawi parai naichi sa. Na i py myn chiu nai meingtymchi ly taphra y nai deaungkho y, khumichi ly huni meingtymchi ra y apathyp iy, rimui patawi u jojo.

1 ARENG KEH 3:3

Samrang Solomon ly Areng ai tamen iy, ampo Davida i taviu nai kamta sa nai ne. Na i py tawnbawichi tleh iy maicham takhra neangneangchi ra y apathyp bo.

2 ARENG KEH 14:3

Amazia ly Areng i kangai sa. Na i py ni ly my i pajo samrang Davida i sa nai kamta so y i, ampo Joasa i sa nai kamta sa nai ne.

2 ARENG KEH 16:2

saneng apomrei awm nai khala, Juda samrang lawm i, ni ly Jerusalem mary y saneng holai tariurei peang nai ne. Ni ly amsi pajo samrang Davida i kahawi sa nai kamta so y; ni ly Areng Tameuh i ngai y nai kalopchi sa iy,

2 ARENG KEH 18:3

Huni samrang ly mymy i amsi pajo Davida i sa nai kamta, Areng i kangai sa.

2 ARENG KEH 22:2

Josia ly Areng i kangai sa nai ne. Ni ly mymy i pajo Davida i sa nai kamta, Tameuh i reita bawibawichi ai sa patawm khyp bo.

1 NENG SATANG 22:18

Samrang my, “Nang i Areng Tameuh ly nangchi hawi vanrei awm iy, nangchi ai meingtym tleirei y tlamsa naira pei bo. Mymy ly vaichi khala, hini pri theung y awm nai khumichi ai kai teng y au iy, kai ly nichi ai Areng hawi mymy i khumichi i vui y peang vui bo.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 17:2

Ni ly Juda pri khaw parai nai marychi, Juda daichi avangchi hawi Ephraim khu ka-peang theung i Asa my peang vui nai marychira y, my i tavaimichi khai nai ne.

2 NENG SATANG 17:4

Ni ly ampo i Tameuh ai chiu iy Tameuh i leu tangai. Israela samrang i sa nai kamta so y.

2 NENG SATANG 20:32

Ni ly my i ampo Asa kamta Areng i mo y hawi nai kalopchi sa.

2 NENG SATANG 21:12

Amo Elija ly Jehoram teng y cha harei pa bo. Huni cha theung y ly “Nang ly ngampo samrang Jehoshapha hawi ngamsipui samrang Asa i sa nai lam y tako y naimy, Israela samrangchi i sa nai lam y tako lawh nai deaungkho y, nang i amsi pajo Davida i Areng Tameuh ly nang ai kamngo pajeng nai ne.

2 NENG SATANG 22:9

Jehu ly huni khumichi ai padei be chum baly, khumi phyreichi ai Ahazia ai hau hai bo. Nichi ly Samari mary y aheu nai Ahazia ai niu i, Jehu teng y tym hai. Naibaly Ahazia ai padei u bo. Na i py nichi ly Areng i kalop ai paleung apei parai naimy sa nai samrang Jehoshapha ai tahm khai nai deaungkho y, ni i katu Ahazia i veu ai ly up nai ne. Ahazia yhm dengtheung i dengdairei pri peang ai nai khumi leaungrei py by y leang bo.

2 NENG SATANG 27:6

Jotham ly mymy i Areng Tameuh my leu pei nai ai sai py takhawi y naimy tangai nai deaungkho y, sa thai naira len ryh len ryh nai ne.

2 NENG SATANG 29:2

Ni ly pajo samrang Davida i sa nai kamta amtiu iy, Areng i kangaichi sa nai ne.

2 NENG SATANG 34:2

Ni ly Areng i kangai sa; mymy i amsi pajo samrang Davida i sa nai kamta amtiu iy, Tameuh i Reita bawibawichi tangai nai ne.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

THEU NAI 3:12

Tameuh my, “Kai ly nang hawi vanrei awm ai; kaimy nang ai kang pato nai ka-ma-ra ly nangmy huni khumichi ai Aikupta pri i dengdairei pahawi nai khala, nangchi bawibawi ly hini mawi y kai, Tameuh ai chiu u ai,” napi.

THEU NAI 4:12

Nang ly vaimy chei ly kaimy sabawm ai, nang katheu ai nai kai my kang thui pi ai,” napi.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 18:20

Naibaly mani meingtym y py leaung nyhrei mo leaung thomrei mo kai i amyn y achu baly mychi theung y kaawm ai,” napi.

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

II TIMOTHEI 4:22

Areng ly nang i phailo teng y awm sy. Pahenra ly nangchi teng y awm sy.

JOSUA 1:5

Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.

TARA CHIH NAI KEUNGCHI 6:12

Huna nai khala Areng i kani pri amtaw thau nai ly ni i mo y amteng i ni teng y, “Atho awm nai khumi sorai awi, Areng ly nang hawi vanrei awm na a!,” napi.

TARA CHIH NAI KEUNGCHI 8:33

Kideon dei nai bo y Israela chengchi ly Tameuh ai nithun thun u bi bo; Bala tameuh ai chiu u bi nai ne. Nichi ly leu maikawm asa yb nai Bala tameuh ai, mychi i tameuh palawn u i,

1 SAMUELA 18:12

Sawla ly Davida ai jei bo. Ati mana nai mo nabaly Areng ly Davida hawi vanrei awm iy, mymy ai ly khai su veng nai deaungkho y ne.

1 SAMUELA 18:14

Areng ly ni hawi vanrei awm nai deaungkho y, ni i sa nai ngierei ly eaung nai ne.

1 SAMUELA 18:5

Davida ly Sawla i pataw nai kalop ngiereira y eaung jojo nai ne. Hunai deaungkho y Sawla ly my i tavai lura y khai. Huna nai sa nai ai Sawla i miteaung kehchi hawi mipuichi my py amo theu nai ne.