2 NENG SATANG 16:9 - Khumi Common Language Bible

⁹ Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

2 NENG SATANG 16:9 ပူးပေါင်းရင်းမြစ်များ

ATITI AWM ANGCHEI NAI 31:28

Nang ly kai i katuchi hawi chaniu ni ai pachawm iy leu kahawi pavum ai nai pei y, nang i sa nai ly pipi teng y!

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

1 ARENG KEH 15:32

Juda samrang Asa hawi Israela samrang Baasa ly myni samrang sa nai deungrei tavai atiu hawi nai ne.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

1 NENG SATANG 21:8

Davida my, “Kai ly hini ka-jei hawi nai kamngo sa tamang lawh bo ly! Kai i kamngo pahen pi kyh ba. Kai ly khumi ka-khum lawm bo,” nanai Tameuh teng y hnei takeng bo.

2 NENG SATANG 15:17

Myn y chiu nai meingtym awm nai ngiereichi taphra y tei i py, Asa ly mymy deungrei Areng ai ym nai ne.

2 NENG SATANG 15:19

Ni i peang nai saneng 35 ryrei ly tavai atiu bi y leang bo.

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

2 NENG SATANG 19:9

Samrang my huni khumichi teng y, “Nangchi ly Areng ai jei kaji nai paleung hawi nangmychi i kalopchi so u. Leu meitang teaung iy meimai khen patleh y naimy so u.

2 NENG SATANG 6:20

Hini Achura yhm ai vum, kanithun kry pi ba. Hini meingtym y nang ai chiu ai nai tla, nanai nangmy leu pei nai deaungkho y, hini Achura yhm mang y motha naimy, kai chiu sa nai khala tangai pi kyh ba.

EZARA 5:5

Na i py Tameuh ly Juda lu sa naichi ai awm hai nai deaungkho y, Pasia miteaung kehchi ly empara samrang Dari teng y satang thai hai ai nai hawi, huni samrang teng i leu pei nai sai sairei ngo teang y ryrei ly ati sai py so u y ai nai leu pacheang bo.

JOBA 28:24

Ati mana nai mo nabaly mymy ly khaileaung katemchi hawi, kani anui y awm nai ngiereichi ai, niuse nai deaungkho y ne.

JOBA 31:4

Tameuh ly kai i sa nai ngiereichi ai pany iy, kai i takan nai kheukanchi niu nai ne.

JOBA 34:21

Mymy ly khumi i kheukan ngierei, khen patawm jo nai ne.

SAM 113:6

Na i py mymy ly kani hawi khaileaung ai khen kathiu bo.

SAM 33:14

Mymy ly my i peang nai meingtym i dengdairei meung iy, khaileaung pri y awm nai, heng nai bawibawichi ai khen nai ne.

SAM 33:15

Mymy ly nichi i paleungchi ai sa nai keung ne nai deaungkho y, nichi i dawn nai leaungsai ngiereichi ai pany.

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 34:15

Areng ly khumi kahawichi ai kry iy, nichi i aeu nai raawi pathang pi bo.

SAM 37:37

Khumi kahawi ai khen cham; leu meitang teaung nai khumi ai khen paryp cham; tlamsa naira nga nai khumi ly katu chanau deung akai nai ne.

LEU KACHENG 15:3

Areng ly meingtym tleirei i sa nai saichi ai niu. Mymy ly khumi hawi nai, hawi y naichi i amhi amtlau naichi ai khen nai ne.

LEU KACHENG 5:21

Areng ly nang i sa nai ngiereichi ai, ang niu pi se nai ne. Mymy ly nang i chei naira tleirei y, khen patawm jo nai ne.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 5:1

Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

I KORINTH 15:36

Kamthu awi, nangmy kypkyp i tiu reng nai py dei vui y rai baly paheng y pui chy bo;

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 3:12

Areng i mei ly khumi kahawi ai khen pathyp reng, Mymy i kano py nichi i chiu sa nai mang y patheung reng: Na i py Areng i meimai ly atiti hawi y sa nai keungchi i tlang tleaung y awm lawh reng,” nanai ne.

1 SAMUELA 13:13

Samuela my, “Nang i sa nai kalop ly akhum nai ne; nang ly nangmy i Areng my leu pei nai tangai y; tangai lawh baly mymy ly nang hawi vanrei, nang i katu chanauchi ai, Israela pri y deungrei peang hai ai.