2 NENG SATANG 16:6 - Khumi Common Language Bible

⁶ Huna nai khala samrang Asa ly Juda pri verei i khumichi ai palau iy, Ramah mary lengseaung apai sa naira i lengseaungchi hawi dengkeaungchi tawn hai bo. Nichi ly huni vawnsaichi hawi Keba mary hawi Mizapa mary apai tapang u nai ne.

2 NENG SATANG 16:6 ပူးပေါင်းရင်းမြစ်များ

1 ARENG KEH 15:16

Juda samrang Asa hawi Israela samrang Baasa nini ly myni i samrang deungrei tavai atiu nai ne.

1 ARENG KEH 15:22

Naibaly samrang Asa my Juda pri verei y leu pei nai ly mipui bawibawichi ai leaungrei py takhawi y naimy Baasa i Ramah mary apai sa naira teaung nai lengseaung hawi dengkeaungchi ai tawn hai bo. Samrang ly hunichi hawi Mizapa mary, Keba maryra y apai sa nai ne.

1 NENG SATANG 6:60

Nichi ly Benjamin khu theung i Keba, Alemet, Anatho marychi hawi amtawn nai acha prangchi py nga u bo. Hunai kamta nichi i yhm dengtheung bawibawichi awm ai nai mary holai thomrei nga u.

2 NENG SATANG 16:5

Samrang Basha ly hini satang thai nai khala, Ramah mary lengseaung apai sa nai kalop anawn vui bo.

2 NENG SATANG 16:7

Huni neng khala amo Hanani ly samrang Asa teng y chei iy, “Samrang nang ly nangmy i Areng Tameuh ai paleung pado y naimy, Suria samrang ai paleung pado lawh nai deaungkho y, Israela tavaimichi ly nang teng i nai tleaung veng bo.

2 NENG SATANG 21:17

Nichi ly Juda pri theung y kun iy samrang yhm y lawm u bo. Naibaly chapo kasawi Ahazia ai naini khai su i, huni bo i chapochi hawi ajuchi ai patiu iy langheng y hawi nai ne.

ISAIA 10:29

Nichi ly mawi aleaung lam tako u prei iy, Keba mary y anawn u! Huna nai khala Ramah mary i khumichi ly jei u i, samrang Sawla i awm nai meingtym Kibeah mary i khumichi py, preang u pawn nai ne.

JEREMIA 40:6

Kai py Kedalia teng y chei iy, Mizapa mary mang y awm rai nai khumichi hawi vanrei kaawm bo.

ZEKHARIAH 14:10

Tosyh mang y awm nai Keba mary dengdairei, tokalawi mang y awm nai Rimon mary y khrairei, Jerusalem mary tengpang sahawi i khaileaungchi adyh ai nai padyh u ai nai tla. Jerusalem mary py tengpang sahawi i khaileaungchi tleaung y asang naimy awm ai. Hini mary ly Benjamin apai katheu dengdairei, katheu kangngym awm nai mary taki i apai katheu khrairei py, Hananela yhm ka-sang dengdairei, samrang i yhm, kreip athai nipra angawmchira y khrairei py awm ai.

JOSUA 15:38

Dilen mary, Mizapa mary, Jokathela mary,

1 SAMUELA 10:17

Samuela ly khumichi ai Mizapa mary y palau achu hai i,

1 SAMUELA 7:16

Ni ly saneng tleitleirei, Bethela mary, Kilakala mary, Mizapa marychi mang y amki iy, tara chih pi reng nai ne.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)