2 NENG SATANG 16:4 - Khumi Common Language Bible

⁴ Benhada ly Asa i tau pei nai kamta sa ai nai ngai nai deaungkho y, mymy i tavai luchi hawi tavaimichi ai pato iy, Israela marychi ai tiu hai bo. Nichi ly Ijon mary, Dan mary, Abela Beth Maaka mary hawi Naphtali khu ka-peang theung i vawnsaichi pateung achu nai mary bawibawichi ai py peang vui nai ne.

2 NENG SATANG 16:4 ပူးပေါင်းရင်းမြစ်များ

ATITI AWM ANGCHEI NAI 14:14

Abram ly amnau i chapo ai patiu vui bo, nanai thai i mymy i tavaimi leaung 318 rei palau iy samrang leaung palyhreichi ai Dan mary tym pa-rei hui bo.

1 ARENG KEH 15:20

Samrang Benhadad ly Asa i tau pei nai kamta sa ai nai ngai nai deaungkho y, my i tavai luchi hawi tavaimichi ai pato iy, Israela marychi ai tiu hai bo. Nichi ly Naphtali khu ka-peang verei bo y Ijon mary, Dan mary, Abel Beth Maaka mary hawi Kalili khuchi ai nga vui bo.

1 ARENG KEH 9:19

my i teicha teinei vawnsaichi khai nai marychi, my i keaungngochi, tavai ka-richi, tavai taira marychi py, Jerusalem mary, Lebanon hawi my i pri theung y awm nai takhra meingtymchira y, my i sa ai ngai nai cheaungkhang ai py, miseaung kamta kalop sa nai khumichi hawi sa nai ne.

2 ARENG KEH 16:9

Tiklath Pilesa ly samrang Ahaz i takeng nai kamta, my i tavaimichi hawi vanrei Damaska mary y tiu nai pajau i, samrang Rezin ai padei iy mipuichi ai Kira mary mang y langheng hawi nai ne.

2 NENG SATANG 16:3

“Kaichi ly kaimychi i ampochi kamta, amsawi amnai aso hawi sina. Hini muku, tangka ly nang i vui langseaung ne. Samrang Basha ly my i tavaimi kamkawmchi ai kai i khu ka-peang theung i dengdairei, tavai athawn hai pawn ai nai nang ly ni hawi asa nai amsawi amnai taphra iy, kai ai phai sabawm ba,” napi.

2 NENG SATANG 16:5

Samrang Basha ly hini satang thai nai khala, Ramah mary lengseaung apai sa nai kalop anawn vui bo.

2 NENG SATANG 17:12

Hunai deaungkho y Jehoshapha ly sa thai naira len tleaung lenra bo. Ni ly Juda pri verei y khaw parai nai amtangrachi py,

2 NENG SATANG 8:6

Baalath mary, cha nei vawn pateung achu nai marychi, keaungngo hawi tavai ka-richi khai nai marychi ne. Jerusalem mary, Lebanon mawi, pri meingtym tleirei y my i ngai nai ryrei sa.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

ISAIA 9:1

Hina nai ngari kamtang tym nai neng ly nichi law tleaung ai nai lam awm ai ny y. Mrethe pangli dengdairei nisi mang y tako baly Jordan tavo vai hawi, Kalili pri khrairei tym nai, Zebulon hawi Naphtali cheng theaungchi i khu ka-peang napi nai cheng takhrachi awm nai meingtym ly vaichi khala tahm by y i py, mo mang y ly tahm awm ai.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

II PETERA 2:15

Nichi ly Bosara i chapo Balam, kamngo sa nai vang ngai parai nai keung i lam y tako chum nai deaungkho y, lam kateng ai ly khai u su i, lam tamang veng bo;

TARA CHIH NAI KEUNGCHI 20:1

Tosyh ngan Dan mary dengdairei, tokalawi ngan Beraseba mary khrairei py, nisi ngan Kilead pri i nai py, Israela cheng bawibawichi ly tavai tiu ai nai palau nai molam y angym u kaleuteu i, Mizapa mary Areng i mo y jeu u achu bo.