2 NENG SATANG 16:14 - Khumi Common Language Bible

¹⁴ Davida mary y ni i vui sa yb nai lengseaung angawm y up bo. Khumi mipuichi ly samrang i veu ai rimuichi, rimui hangchi hawi palum iy, paleung si nai ka-ma-ra maiteaung pui kangvang sa u nai ne.

2 NENG SATANG 16:14 ပူးပေါင်းရင်းမြစ်များ

ATITI AWM ANGCHEI NAI 50:2

Naibaly Josepha ly ampo i veu ai veaung y pa-rei asi sa ai nai leu pei.

ATITI AWM ANGCHEI NAI 50:5

Ngaai my ang taviu nai ly “Kai dei baly Kanan pri y mymy i sa yb nai tapreaung y veu pavum ba, nanai leu ang pei nai ne. Hunai deaungkho y pahen parai naimy, ngaai i veu ai pavum ai nai pei kyh, pavum pajau baly kang vawi ali teang ryp ai, nanai thui pi u kyh,” napi.

2 SAMUELA 2:32

Juaba hawi my i khumichi ly Asahela i veu la iy, Bethlehem mary mymy i yhm dengtheungchi i tapreaung y up nai ne. Naibaly nichi ly vum torei tako u i, khutawi y rai khala y, Hebron mary y tym u ali teang bo.

2 NENG SATANG 16:13

Huni bo saneng nyhrei kra baly ni ly dei i,

2 NENG SATANG 21:19

Huni no ly saneng nyhrei vi, kani tleaung kanirei tyra tyra i, kangkhym y samrang ly khri pa-rei no naimy dei bo. Khumichi my ly ni i amsi pajochi ai sa pi nai kamta, paleung si nai ka-ma-ra maiteaung pawi so pi y nai ne.

2 NENG SATANG 32:33

Samrang Hezekia dei nai khala y ni i veu ai ly samrangchi i tapreaung salo ka-theng y up bo. Ni dei nai thym khala Juda khumichi hawi Jerusalem mary i khumichi ly ni ai khri pa-rei tahm pasang u nai ne. Chapo Manase ly ampo i meingtym amtym iy samrang lyn bo.

2 NENG SATANG 35:24

Ni i risachi my py kajeaung iy khai yb nai takhra ka-ri tleaung y theng i, Jerusalem mary y vawi hai bo. Samrang ly ka-ri tleaung y my tlang tem nai deaungkho y, ni i veu ai ly samrangchi i tapreaung y up bo. Juda khumichi hawi Jerusalem mary i khumi bawibawichi ly samrang dei nai molam y paleung si nai vo tangam u.

Parip nai leu 10:1

Rimui hangra y pathau veu tla nai deaungkho y rimui hang ai kaveaung mui hai nai kamta, maidenreichy akhum nai ly khri pa-rei tau cheng naira ai phra hai pajau.

ISAIA 22:16

“Nang ly nangmy ai ati palawn mo? Lengseaung mawi para ra y nangmychi i vui tapreaung tapiu thiu ai nai, sa thai naira nang teng y awm a?

JEREMIA 34:5

Nang ly paleung awmnem naimy dei ai. Khumichi my nang i amsi pajo samrangchi i vui mui katui patawi pi nai kamta, nang i vui py mui katui patawi pi ai. Nichi ly ‘Kaichi i samrang dei veng bo!’, nanai thui iy nang i vui vo tangam u ai. Hini ly kai, Areng i thui nai leu ne,” napi.

MARKA 16:1

Naibaly Anawm Kani bo y ly Mari Makdilini hawi, Jakob i amhm Mari hawi, Salomi py mymy ai kaleu ai nai chei thai ai nai atiti rimui van u bo.

1 SAMUELA 31:12

khumi sorai phyreichi ly Beth Shan mary mang y vum torei amsa u. Nichi ly Sawla hawi chapochi i veuchi ai apai tleaung i nai la u i, Jabe mary y syn iy mai patawi u bo.