2 NENG SATANG 15:8 - Khumi Common Language Bible

⁸ Hina nai Oded i chapo Azariah my thui nai amo leu thai nai khala, Asa ly atho nga i, Juda khu ka-peang, Benjamin khu ka-peangchi hawi mawi nawi nai Ephraim pri marychira i mynchi taphra vui bo. Samrang ly Achura yhm apai theung i maicham py, sa palum teang nai ne.

2 NENG SATANG 15:8 ပူးပေါင်းရင်းမြစ်များ

1 ARENG KEH 11:5

Ni ly Sidon tameuh nu Asatare hawi, amso ngai hawi nai Ammon chengchi i tameuh Milekon ai chiu bo.

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

1 ARENG KEH 15:9

Israela samrang Jeroboam i peang nai saneng apomrei awm nai khala y, Asa ly Juda pri y samrang lyn i,

2 ARENG KEH 16:14

Areng teng y talam nai kheupaja maicham ly maicham kangtha hawi Achura yhm sala y awm nai ne i, Ahaz ly huni maicham ai maicham kangtha tosyh ngan mang y kasyh vui bo.

2 ARENG KEH 18:22

Naibaly Asuria miteaung keh my thui pi bi nai ly “Nangmy, ‘kaichi ly kaimychi i Areng Tameuh ai a-ym,’ nanai thui ai a? Tahm asang nai meingtymchi hawi maichamchi ai Hezekia my taphra iy, Juda khumichi ai Jerusalem mary i maichamra y naini chiu u ai nai, leu pei nai ny y a?

2 ARENG KEH 23:13

Samrang Joseah ly Jerusalem mary nisi, olive mawitokalawi ngan mang y Sidon i tameuh Asatare, Moba tameuh Khemosa, Ammon tameuh Molechi ai chiu ai nai samrang Solomon my sa pi nai maichamchi py, chai nem hai y bo.

2 NENG SATANG 13:19

Abijah ly Jeroboam i tavaimi kamkawm ai preng i, Bethela mary, Jeshana mary, Ephron mary hawi huni marychi sahawi i avangchi ai py nga nai ne.

2 NENG SATANG 17:2

Ni ly Juda pri khaw parai nai marychi, Juda daichi avangchi hawi Ephraim khu ka-peang theung i Asa my peang vui nai marychira y, my i tavaimichi khai nai ne.

2 NENG SATANG 19:11

Reita leaungsai ka-jo kahm tleirei y pathyp pi nai keung kalen keh Amariah my ne sy, tara kahm ngierei ly Ishamaela i chapo Zebedia my ne sy, kangkhym i sa thai naira awm nai keung lawm ai nai tla. Tara jeungchira i chih chum naichi ai bawi la ai nai ly Levi theaungchi i kalop ne. Nangchi ly hini leu pei naichi ai vam parai naimy su u. Areng ly khumi kahawi ngiereichi teng y awm hai sy,” napi.

2 NENG SATANG 19:4

Jehoshapha ly Jerusalem mary samrang yhm y awm teu i py, tokalawi mang Berasheba mary dengdai tosyh mang mawi nawi nai Ephraim khujyh tym pa-rei, khumichi ai mymychi amsi pajochi i Areng Tameuh teng y ali teang ai nai avawrei amki nai ne.

2 NENG SATANG 29:18

Levi theaungchi ly samrang Hezekia teng y, “Kaichi ly leng patlum nai kapathyprachi i vui maicham, tako kachai khaira sabawi hawi ateaung alangchi raurei, Achura yhm verei py, reita leaungsai kamta kachai sa nai pajau bo.

2 NENG SATANG 4:1

Samrang Solomon ly jeng miu 20 rei hawi ka-sang miu 10 rei awm nai kheupaja maicham sa hai bo.

2 NENG SATANG 8:12

Solomon ly Achura yhm mo y my i sa nai maicham ra y kapathyprachi talam bo.

ISAIA 44:14

Ni ly mymy teaung ai nai saitleang keung paliu bo. Daichi theung i taru keung, ti y baly maicha keung vawi nai ne. Huna ny y lawh baly ngopraibiu keung ui iy keung cheang pa-rei kanitui ajeng bo.

ISAIA 65:4

Nichi ly vum y tapiuchi, tapreaungchira y chei iy, khumi kadei phailochi hawi leu arum u nai ne. Nichi ly eu mawi cha iy nichi i laawm theung i, chai y nai mawi byh hangchi nei u.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

Ezekiela 8:10

Hunaibaly kai ly theung mang y kun iy khen bo. Apai dengpangra y pavuichi, takhra chai y nai tawnbawi mynchi hawi, Israela chengchi my chiu nai takhra mynchi kaniu.

Levi 18:30

Naibaly Areng my, “Kai i kang pei nai leu phai tangai u; nangchi ny y rai khala i huni pri y awm nai khumichi i sa nai kamta amtiu u moh. Nangchi ly huna naichi sa nai molam y, nangmychi ai chai hai y ai nai aso u moh. Kai ly nangchi i Areng Tameuh ne,” napi.

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

AMTAW 28:15

Naibaly amjo amnauchi ly kaichi i satang thai bo nabaly hu i dengdairei Apia Seng hawi, Charai Thomreira lamchung ai nai ang jeu; naibaly Pawla hunichi ai niu baly Tameuh teng y kawn nai leu thui i, paleung ham naira nga bo.

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.