2 NENG SATANG 15:7 - Khumi Common Language Bible

⁷ Na i py nangchi ly ham parai nai awm u. Paleung atho di u moh. Nangchi i sa nai kalop molam y amtheaung naira nga u ai,” napi.

2 NENG SATANG 15:7 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

2 NENG SATANG 19:11

Reita leaungsai ka-jo kahm tleirei y pathyp pi nai keung kalen keh Amariah my ne sy, tara kahm ngierei ly Ishamaela i chapo Zebedia my ne sy, kangkhym i sa thai naira awm nai keung lawm ai nai tla. Tara jeungchira i chih chum naichi ai bawi la ai nai ly Levi theaungchi i kalop ne. Nangchi ly hini leu pei naichi ai vam parai naimy su u. Areng ly khumi kahawi ngiereichi teng y awm hai sy,” napi.

2 NENG SATANG 32:7

“Sorai paleung hawi atho so u. Asuria empara samrang ai py, ni my lu sa nai tavaimi kamkawm ai py jei u moh. Ni i sa thai naira tleaung y len keh nai sa thai naira achi theung y awm.

SAM 19:11

Mymy i miseaung kai teng y huni tara chih nai saichi my pany thai ai nai pei. Kai ly hunichi ai tangai nai ne i, hawi nairachi kanga bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

JEREMIA 31:16

Nang ly vo nai anawn iy nangmy i mei katuichi py tamui. Chanauchi i vui y nang i sa nai bawibawichi ly jawm sum ai ny y. Huni khumichi ly paleung ka-echi pri i nai ang vawi u ali teang ai,” napi.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.

MATTHAI 5:12

Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

MATTHAI 5:46

Nangchi ai tamen nai keungchi ai harei tamen u khyh baly, kawn nai vang ati nga u ai mo? Akeu cheaung nai keungchi py hunai kamta so teang y a?

MATTHAI 6:1

“Nangchi i atiti kahawi sa nai ly khumichi ai khen hai ai nai mymychi i mei ka-niu y so y ai nai amkym u; ti y baly Ngampo kani pri mang y awm nai teng y kawn nai vang ngo u y ai.

MATTHAI 6:18

hunaibaly Ngampo kangviu y awm nai i mei ka-niu y harei ny y baly, nang i biu hai nai ly khumi i mei ka-niu y amny y ai; naibaly Ngampo kangviu y ang niu reng nai my ly ang heung ai mang.

MATTHAI 6:4

hunaibaly Ngampo kangviu y niu reng nai my ly ang heung ai mang.

MATTHAI 6:6

Na i py nang naini chiu sa khala y ly nang i panglai katem y kun ly, naibaly katheu kho veng iy Ngampo kangviu y awm nai teng y chiu so: hunaibaly Ngampo kangviu y niu reng nai my ly ang heung ai mang.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

I KORINTH 3:14

Ami i kalop sa nai py huni tleaung y sa iy awm jo baly huni khumi ly kawn nai vang nga ai.

I KORINTH 3:8

Naibaly ui nai keung hawi tui lei hai nai keung ly bomrei teu; na i py leaung leaungrei ly amymy i sa akawm nai kamta amymy i kawn nai vang ly nga ai.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

HEBRAI 10:35

Hunaibaly nangchi i vam nai sai ly patlaw u moh; huni ly kawn nai vang khra pa-rei nga hai nai ne.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 14:14

Kenizi cheng jephonneh i chapo Kaleb ly Israela chengchi i Areng Tameuh my leu pei nai ai, ati sai py takhawi y naimy tangai nai deaungkho y, ni i kangpreangchi ly Hebron mary ai vaini khrairei amtym u bo.

II JOHAN 1:8

Kaichi i sa nai angchichi ly nangchi tamo y naimy, kawn nai vang kangym nga u thai ai nai hawihai atyp u.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.