2 NENG SATANG 15:2 - Khumi Common Language Bible

² Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 15:2 ပူးပေါင်းရင်းမြစ်များ

1 ARENG KEH 11:25

Rezon py Solomon heng nai ryrei ly Israela chengchi ai ka-jo hau jojo nai ne.

1 ARENG KEH 18:18

Elija my, “Patang hai nai keung ly kai ny y, patang hai nai keungchi ly nang hawi nangmy i ampo naini ne. Nang ly Areng i leu pei naichi tangai y naimy, bala i mynchi ai chiu bo.

2 ARENG KEH 21:14

Dei kamthum khumichi ai kaimy khai su iy, paleung ka-echi teng y au ai. Paleung ka-echi ly nichi ai tiu iy, nichi i vawnsaichi lawm pi pawn ai.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 11:12

khupui hawi tivichi pateung achu bo. Hina nai kamta ni ly Juda hawi Benjamin khu ka-peangchi ai kry nai ne.

2 NENG SATANG 12:5

Shisha kiu i tleaung ai nai molam Jerusalem mary y angym u nai samrang Rehoboam hawi Juda miteaung kehchi teng y amo Shemaiah chei i, nichi teng y, “Areng my, ‘Nangchi ly kai ai khai u su nai deaungkho y, kai ly nangchi ai Shisha i kiu y au veng bo,’ ang napi,” napi.

2 NENG SATANG 13:12

Tameuh ly kaichi ai lu sa iy pahawi nai keung ne. Mymy i pathyp pi nai keungchi py kaichi tavai tiu ai nai bawchi eng iy, ka-ma-ra patei ai nai angveirym bo. Israela khumichi awi, nangchi i Areng Tameuh hawi acham nai tavai atiu u moh! Nangchi pajau y leang!” napi.

2 NENG SATANG 13:4

Tavaimi kamkawm nyhrei ly mawi nawi nai Ephraim pri y avum u. Samrang Abijah ly Ephraim mawi salo y lyn iy, Jeroboam hawi Israela chengchi teng y, “Tangai u!

2 NENG SATANG 15:15

Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

2 NENG SATANG 15:4

Na i py patang naira tym nai khala, nichi ly Israela chengchi i Areng Tameuh teng y ali iy, mymy ai hau baly avum bo.

2 NENG SATANG 20:15

Jahaziela my, “Samrang hawi vanrei Juda khumichi, Jerusalem mary i khumichi awi, nangchi ly paleung phra atho di u moh. Hini tavaimi kamkawm pui hawi atiu ai nai jei u moh, nanai Areng my leu pei nai ne. Hini tavai ly nangchi i vui ny y, Tameuh i vui teu.

2 NENG SATANG 20:17

Nangchi ly hini tavai atiu u ai ny y; meingtym naini la iy ajeng u. Areng my nangchi ai eaung naira pei nai niu u ai. Juda khumichi hawi Jerusalem mary i khumichi awi, paleung adi adiu nai awm u moh. Jei y naimy atiu u. Areng ly nangchi hawi vanrei awm ai!,” nanai leu pei nai thui pi bo.

2 NENG SATANG 20:20

Huni bo i kani khawn angthodyh khala, khumichi ly Tekoa sahawi daichi ka-vym mang y theu u. Theu u enten nai khala Jehoshapha my khumichi teng y, “Juda khumichi hawi Jerusalem mary i khumichi awi!, nangchi ly nangmychi i Areng Tameuh ai ym u baly, angdo u pajau ai. Mymy i amochi my thui nai leu ym u baly eaung naira nga u ai,” napi.

2 NENG SATANG 24:20

Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.

2 NENG SATANG 26:5

Ni ly my i reita leaungsai tau pei nai keung Zekhariah heng nai ryrei ly Areng ai ka-ym awm naimy chiu nai deaungkho y, Tameuh ly ni ai amtheaung hai bo.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 34:3

Josia ly samrang lyn nai khala saneng tajarei awm i, saneng khri pa-rei theang teu i py, mymy i amsi pajo samrang Davida i Tameuh ai chiu amteaung bo. Huni bo i saneng palyhrei khala y ni ly myn chiu nai meingtymchi, tameuhnu Asherah i tamkhawnchi hawi takhra myn ngiereichi ai taphra nai ne.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 34:4

Kai ly Areng teng y chiu sa nai khala, mymy ly tangai pi bo. Jei ai hawi parai naichira i nai kai ai atleu bo.

SAM 53:2

Tameuh ly khumi kachengchi, mymy ai chiu nai khumichi awm mo, by y mo, nanai pany pajau ai nai kani pri mang dengdairei khumichi ai khen nai ne.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 51:1

Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ISAIA 7:13

Huna nai khala Isaia my, “Aw samrang Davida i katu chanauchi awi, vai tangai ba. Nang ly khumi mipuichi ai niu ngai y ai nai pa-rei sa nai ly paleung anyp y i, Tameuh ai py niu ngai y ai nai pa-rei sa ai nai ngai lawh a?

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

AMOS 5:14

Nangchi ly tlang heng ai nai molam y hawi y naichi khai su iy, kahawi naini hau ly so u. Hunaibaly nangchi thui nai kamta, kani pri tavailuchi i Areng Tameuh ly nangchi hawi vanrei awm takengkei ai.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

Kati Nai 14:42

Chei u moh, Areng ly nangchi hawi vanrei awm hai y nai deaungkho y, paleung ka-echi ly nangchi ai ang pajau vui ai.

Kati Nai 14:43

Nangchi ly Amalek chengchi, Kanan chengchi hawi atiu nai khala tavai keung y dei u ai. Nangchi ly Areng ai khai su nai molam y, mymy ly nangchi hawi vanrei awm ai ny y,” napi.

MATTHAI 13:9

Kano awm nai khumi ly thai sy,” napi.

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

JOSUA 22:31

Huna nai khala pathyp pi nai keung Elaza i chapo Phineha my, “Areng ly kaichi hawi vanrei awm, nanai kaichi vai, kapany u bo. Mymy ai tiu y nai deaungkho y, Israela chengchi ly Areng my pajeng naira i nai lawi naira nga u bo,” nanai nichi teng y thui pi.

JOSUA 24:20

Nangchi ly Areng ai khai su iy, tameuh takhrachi ai chiu u lawh baly, nangchi ai pahen nai Tameuh ly nangchi ai paleung ka-e khai iy, myh kang nai pa-rei pajeng ai,” napi.

AMTENG HAI NAI 2:11

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly pa-nyh dei naira y ly ati sai py so hai y ai,’ napi.

AMTENG HAI NAI 2:17

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung teng y ly heu nai manna kapei ai, lengseaung kangleung py kapei ai; nga nai keung leaungrei ny y baly ami py pany pajau y nai amyn kangtha ly huni lengseaung y tajiu angchi nai ne,’ napi.

AMTENG HAI NAI 2:29

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.

AMTENG HAI NAI 3:13

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

AMTENG HAI NAI 3:22

Kano awm nai khumi ly palau takhra kamkawmchi teng y Phailo i leu thui nai ly thai sy,” napi.

AMTENG HAI NAI 3:6

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

TARA CHIH NAI KEUNGCHI 10:13

Na i py nangchi ly kai ai khai su iy, tameuh takhrachi ai chiu u bi bo. Hunai deaungkho y kai ly nangchi ai atleu bi y leang bo.

TARA CHIH NAI KEUNGCHI 9:7

Jotham ly huni satang thai nai khala, Kerizim mawi saleung y lyn kalau i, angdo naimy aeu iy hina nai thui bo; “Nangchi Sekhem mary i khumichi awi, kai i leu tangai u! Hunaibaly Tameuh my nangchi i leu tangai lym ai.

1 SAMUELA 12:14

Nangchi ly nangmychi i Areng Tameuh ai, jei kaji naimy chiu iy leu pei naichi ai akhi y, leu tangai nai hawimy nangmychi i samrang hawi vanrei, mymy i pahen naira y atyp u baly, nangchi ly tlamsa ai.

1 SAMUELA 12:15

Na i py nangchi ly Areng i leu tangai y naimy, leu pei naichi akhi u vui lawh baly, mymy ly nangchi hawi nangchi i samrang ai ang tiu ai,