2 NENG SATANG 15:16 - Khumi Common Language Bible

¹⁶ Samrang Asa ly my i amsichy Maakath ai amhm samrangnu ra i nai pala vui bo. Ati mana nai mo na baly Maakath ly khaileaung hawi hai nai tameuhnu Asherah ai chiu ai nai molam, khen hawi y nai myn sa nai deaungkho y ne. Asa ly huni mynchi taphra piupa vui iy Kidron leaunghawi ra y mai veang hai bo.

2 NENG SATANG 15:16 ပူးပေါင်းရင်းမြစ်များ

1 ARENG KEH 15:10

Jerusalem mary y saneng 41 rei peang nai ne. Ni i amsichy ly Abasalom i chaniu Maakah ne.

1 ARENG KEH 15:2

Jerusalem mary y saneng thomrei peang bo. Ni i amhm ly Abasalom i chaniu Maakah ne.

2 ARENG KEH 23:12

Samrang Ahaz i awm nai samrang yhm amphu salo y Juda samrangchi sa nai maichamchi py, Achura yhm apai nyhrei theung y samrang Manase i sa nai maichamchi py, samrang Joseah ly taphra iy dei lawm pa-rei sa chum baly, Kidron leaunghawi theung y aphi pawn nai ne.

2 ARENG KEH 23:15

Samrang Joseah ly Israela chengchi ai kamngo lam mang y pahawi nai keung, Neba i chapo samrang Jeroboam i Bethela meingtymra y sa nai chiu naira meingtymchi py, taphra pawn. Joseah ly maichamchi panawi pawn iy, Aser tameuh nu teng y talam nai tamkhawn py mai leng vui bo.

2 ARENG KEH 23:4

Naibaly Joseah ly pathyp pi nai keung kalen keh Helkia, my i bangtang pathyp pi nai keungchi hawi, Achura yhm katheu pa-kho tym nai tamcheaungchi teng y, bala tameuh, Aser tameuh nu hawi ka-sichi ai chiu naira y teaung nai ateaung alangchi ai Achura yhm theung i nai patheu pawn ai nai leu pei bo. Samrang ly huni ateaung alang bawibawichi ai, mary angam mang i Kidron leaunghawi sahawi y mai hawi leng iy, maidymchi ly Bethela mary y syn hai bo.

2 ARENG KEH 23:6

Ni ly Aser tameuh nu teng y talam nai tamkhawn py, Achura yhm theung i nai patheu vui iy mary angam mang i Kidron leaunghawi ra y mai hawi leng vui bo. Naibaly huni maidym ai dei lawm pa-rei deng iy, khumi mipuichi i khaileaungra y hei.

2 NENG SATANG 15:17

Myn y chiu nai meingtym awm nai ngiereichi taphra y tei i py, Asa ly mymy deungrei Areng ai ym nai ne.

2 NENG SATANG 29:16

Pathyp pi nai keungchi ly kachai sa ai nai Achura yhm theung y kun iy, Reita leaungsai y, chai y nai ngiereichi ai apai theung i ly-um y patheu nai khala, hunichi ai Levi theaungchi my mary angam mang i Kidron leaunghawi mang y tawn u nai ne.

2 NENG SATANG 30:14

Nichi ly Jerusalem mary i kapathyprachi talam nai hawi mui katui leng patlum nai maicham ngiereichi la achu iy, Kidron leaunghawi theung y aphi u nai ne.

2 NENG SATANG 34:7

Tosyh mang pri verei y maichamchi hawi tamkhawnchi taphra. Mynchi ai dei palawn piu iy mui katuichi leng patlum nai maichamchi py, pakhau piupa iy Jerusalem mary y vawi ali teang bo.

THEU NAI 32:20

Ni ly nichi i sa nai si cho myn ai patlawn vui i, teipei pa-rei deng iy tui hawi kanu khala, Israela chengchi ai nei hai bo.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

ZEKHARIAH 13:3

Naibaly amimi py ne sy, amo leu thui veangveang nai khumi awm rai baly, ni i amhm ampochi ly ni teng y, nang ly Areng i leu thui pi pateang nai ne i py, ka-chawi leu naini teaung nai deaungkho y, deira avum ai, nanai thui iy huni khumi thui nai thym khala y my, ni i amhm ampo ly ni ai haisau hawi thun iy padei ai.

MARKA 3:21

Naibaly mymy i ahawichi ly huna nai thai i, “Pathu na a tu ly,” napi nai mymy ai patiu ai tau nai theu u.

JOHAN 18:1

Isu ly huni leu thui pajau baly abangnaichi hawi theu iy Kidron tavo kan; hu y ly akho awm:mymy hawi abangnaichi py hunira y kun.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

Leu Thui Nai 33:9

Naibaly nichi ly mymychi i amhm ampo, amjo amnau, cho chanauchi ai tamen nai tleaung y nang ai tamen keh. Nichi ly nang i leu pei naichi tangai u iy nang i Leu Maikawm ai py kry u bo.

Leu Thui Nai 7:5

Hunai deaungkho y nichi i maichamchi taphra ai nai tla. Nichi i tameuh lengseaungchi ai panawi ai nai tla. Kani anglo Aser tameuh i mynchi py panawi ai nai tla. Nichi i mynchi py veang pawn ai nai tla.

Leu Thui Nai 9:21

Kai ly nangchi ai kamngo tym hai nai si cho myn ai mai theung y aphi vui bo. Naibaly si cho myn ai deih lawn pa-rei dengpiu iy, huni deih ai ly mawi mang leaung kathiu nai tavo micheaung tui y adi vui nai ne.