2 NENG SATANG 15:15 - Khumi Common Language Bible

¹⁵ Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

2 NENG SATANG 15:15 ပူးပေါင်းရင်းမြစ်များ

2 ARENG KEH 23:3

Ni ly samrang yhm i yhmmawm sahawi y angdo iy, “Kai ly nang i leu tangai ai; nang i leu hawi Reita leu pei naichi ai, paleung, phailo, atho bawibawi hawi atyp ai,” nanai Areng hawi leu maikawm asa bo.

1 NENG SATANG 16:10

Achi ly mymy i khumichi ne i, amo theu u; mymy ai chiu nai khumi bawibawichi ly amo theu u sy!

2 NENG SATANG 11:16

Israela chengchi i Areng Tameuh ai chiu takengkei ai ngai nai Israela theaung bawibawichi ly mymychi i Areng Tameuh teng y kapathyprachi talam ai nai Levi theaungchi hawi vanrei, Jerusalem mary y abang u nai ne.

2 NENG SATANG 14:6

Ni ly my i samrang yhm y awm nai thym khala, lengseaung apai tapang hai. Areng ly ni ai tlamsa naira pei nai deaungkho y, saneng neangneang tavai atiu nai by y.

2 NENG SATANG 14:7

Samrang my Juda khumichi teng y, “Mary apaichi, angdeangrachi, katheu lengteaungchi tai nai mary katheuchi awm angym nai marychi so u sina. Achi ly Tameuh i kangai sa nai ne i, pri peang pajau ai. Areng my py achi ai kry iy, meingtym tleirei y chymme naira ang pei bo,” nanai thui nai kamta, khaw parai nai marychi sa i, eaung naira nga bo.

2 NENG SATANG 15:12

Nichi ly mymychi i amsi pajochi i Areng Tameuh ai, paleung hawi tlang verei chiu ai, nanai Leu Maikawm sa u nai ne.

2 NENG SATANG 15:14

Huni khumichi ly hini Leu Maikawm khaw hai ai, nanai Areng i amyn y raawi pajeng parai naimy vaineng abeu u bo. Naibaly nichi ly aeu u iy bawchi eng u.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 15:4

Na i py patang naira tym nai khala, nichi ly Israela chengchi i Areng Tameuh teng y ali iy, mymy ai hau baly avum bo.

2 NENG SATANG 15:6

Tameuh my khumichi teng y patang nairachi tym hai nai deaungkho y, pri harei my pri harei ai, mary harei my mary harei ai ana u nai ne.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

2 NENG SATANG 29:36

Tameuh my hini kalopchi sa kaliki ai nai pei nai deaungkho y, samrang Hezekia hawi khumi mipuichi ly amo theu u na ne.

2 NENG SATANG 34:31

Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.

NEHEMIA 8:9

Nichi ly Reita leu pei nai theung i dawn hai naichi thai nai khala y, paleung ama nai vo u bo. Naibaly samrang i bangtang kalen Nehemia, Reita leu kawp nai pathyp pi nai keung Ezara hawi Reita leu pei nai cha-iu i awm nai sai thui pachai nai Levi theaungchi my, “Vaini ly nangchi i Areng Tameuh i kani kachai ne. Hunai deaungkho y nangchi ly paleung ama nai vo tangam u moh.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 119:111

Nang i reita leuchi ly kai i vui deungtasarei ne i, kai ai amo theu hai nai ne.

SAM 32:11

Aw khumi kahawi bawibawichi awi, Areng i sa pi nai molam y amo theu u. Mymy i leu tangai nai khumi bawibawichi awi, amo theu nai aeu u!

THEU NAI 24:3

Mosi ly Israela chengchi teng y vawi teang iy Areng i leu pei nai ngierei hawi, reita bawibawichi amti pi. Khumi bawibawichi my, “Kaichi ly Areng i leu pei nai ngirei tangai mang,” nanai vanrei pathang u krup bo.

LEU KACHENG 3:17

Cheng naira ly nang i heng nai deung y tlamsa hai pajau; nang i heng nai jeungrei py, nang ai chymme naimy pahawi ai.

ISAIA 26:8

Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

Leu Thui Nai 26:11

Nangchi i Areng Tameuh ly nang hawi nang i yhm dengtheungchi ai pahen nai deaungkho y, mymy teng y kawn nai leu thui u. Nangchi theung y awm nai Levi theaungchi hawi cheng takhrachi ly nangchi hawi vanrei amo theu nai pawi so hai u.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

JOSUA 23:1

Neng kra kyh nai bo y Areng ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.

JOSUA 24:25

Hunai deaungkho y Josua ly huni kani y, khumichi hawi Leu Maikawm asa chum baly, Sekhem mary y nichi sa patawm ai nai reitachi khai pi bo.