2 NENG SATANG 14:2 - Khumi Common Language Bible

² Asa ly hawi nai kalop hawi kateng kataw sa nai deaungkho y, Areng i mo y meimai nga.

2 NENG SATANG 14:2 ပူးပေါင်းရင်းမြစ်များ

1 ARENG KEH 15:11

Asa ly my i amsi pajo Davida kamta Areng i kangaichi sa.

1 ARENG KEH 15:12

Ni ly myn chiu nai meingtymra y kamthu kamleaung sa nai neampacho neampachychi ai, pri i dengdairei patheu pawn iy, my i amsi pajo samrangchi i sa nai mynchi ai py, taphra pawn nai ne.

1 ARENG KEH 15:14

Asa ly myn chiu nai meingtymchi ai taphra bawi y teu i py, mymy deungrei Areng ai ka-ym awm nai ne.

2 NENG SATANG 14:1

Abijah dei nai khala ni ai ly Davida mary samrangchi i tapreaung y up u nai ne. Naibaly ni i chapo Asa ly ampo i meingtym samrang y lyn bo. Huni samrang i deung y pri ly saneng horei tlamsa nai ne.

2 NENG SATANG 14:3

Ni ly cheng takhra khumichi i maichamchi hawi myn chiu nai meingtymchi taphra iy, leungchengchi hawi tamkhawnchi taphra piupa pawn nai ne.

2 NENG SATANG 15:16

Samrang Asa ly my i amsichy Maakath ai amhm samrangnu ra i nai pala vui bo. Ati mana nai mo na baly Maakath ly khaileaung hawi hai nai tameuhnu Asherah ai chiu ai nai molam, khen hawi y nai myn sa nai deaungkho y ne. Asa ly huni mynchi taphra piupa vui iy Kidron leaunghawi ra y mai veang hai bo.

2 NENG SATANG 17:6

Ni ly Areng ai chiu naira y paleung apei parai i, Juda pri i myn chiu nai meingtymchi hawi Ashara tameuh nu i tamkhawn ngiereichi ai taphra nai ne.

2 NENG SATANG 20:32

Ni ly my i ampo Asa kamta Areng i mo y hawi nai kalopchi sa.

2 NENG SATANG 21:12

Amo Elija ly Jehoram teng y cha harei pa bo. Huni cha theung y ly “Nang ly ngampo samrang Jehoshapha hawi ngamsipui samrang Asa i sa nai lam y tako y naimy, Israela samrangchi i sa nai lam y tako lawh nai deaungkho y, nang i amsi pajo Davida i Areng Tameuh ly nang ai kamngo pajeng nai ne.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

2 NENG SATANG 31:20

Samrang Hezekia ly Juda pri verei y kahawichi py, mymy i Areng Tameuh i kangaichi py sa nai ne.

2 NENG SATANG 34:7

Tosyh mang pri verei y maichamchi hawi tamkhawnchi taphra. Mynchi ai dei palawn piu iy mui katuichi leng patlum nai maichamchi py, pakhau piupa iy Jerusalem mary y vawi ali teang bo.

THEU NAI 23:24

Nangchi ly nichi i tameuhchi ai lu meung iy chiu u moh; nichi i reitachi kamta teaung u moh; nichi i tameuhchi taphra iy, nichi i khai takhra nai leungchengchi py pakhau pi pawn ai nai tla.

LUKA 1:75

Jei y naimy mymy i kalop sa pajau ai nai ly.

Leu Thui Nai 12:3

Nichi i maichamchi panawi iy, nichi i tameuh leungchengchi py taphra pawn ai nai tla. Nichi i chiu nai tameuh nu Aserah i leungchengchi py mai veang pawn ai nai tla. Nichi i mynchi ai pakhau piupa pawn ai nai tla. Hina nai kamta sa iy huni meingtymchira i, huni tameuhchi ai chiu nai tama ai.