2 NENG SATANG 14:14 - Khumi Common Language Bible

¹⁴ Naibaly Kera mary sahawi i marychi ly Areng ai jei hyn u nai deaungkho y, Juda tavaimi risachi ly huni marychi taphra pajau nai ne. Nichi ly huni mary bawibawichi ai tiu u i, vawnsai neangneang pakym u bo.

2 NENG SATANG 14:14 ပူးပေါင်းရင်းမြစ်များ

ATITI AWM ANGCHEI NAI 35:5

Jakob hawi my i chapochi theu u nai khala, tengpang sahawi mary i khumichi ly khri pa-rei jei u i, nichi ai hui vam y bo.

1 ARENG KEH 15:23

Samrang Asa i sa nai sai ngiereichi hawi ni i vam nai saichi, marychi ai apai sa nai satangchi ai Juda razavang cha-iu theung y tajiu pi typ bo. Na i py ni ly miteaung cheang nai khala sengleang man i,

2 ARENG KEH 7:16

Samari khumichi ly ampreng naimy theu u iy, Suria khumichi i Tai theung i vawnsaichi la u nai ne. Naibaly Areng my leu pei nai kamta, hawi keh nai chohnei sie holai nyhrei, ti y baly chohpui chomaw choh sie apom phai palyhrei nai y tangka chang tlaurei hawi jo u bo.

2 NENG SATANG 14:15

Nichi ly beram typ nai meingtym phyreichi ai py tiu u iy, beram hawi kula-iu neangneang nga u. Naibaly Jerusalem mary y vawi u bo.

2 NENG SATANG 17:10

Areng ly tengpang sahawi i pri bawibawichi ai Jehoshapha hawi tavai atiu ai nai jei hai bo.

2 NENG SATANG 20:25

Jehoshapha hawi ni i tavaimi kamkawmchi ly paleung ka-echi i vawnsaichi pakym ai nai tym u nai khala, si hawi beram neangneangchi, cha nei vawnchi, ateaungchi hawi takhra vang kateng vawnsaichi niu u nai ne. Nichi pakym nai vawnsaichi ly khri pa-rei nawi nai deaungkho y, kani thomrei pakym nai malawn py khei leila y.

2 NENG SATANG 20:29

Israela chengchi i paleung ka-echi ai Areng my tavai pasum bo, nanai thai nai khumi cheng cheaungkhangchi ly jei hyn u nai ne.

JOBA 15:21

Ni ly ka-jei awm nai raawichi thai naimy, phrumai by y leaung bo, nanai athang awm nai neng khala y, kangviu damrachi my tiu nai avum ai.

SAM 68:12

“Samrangchi hawi nichi i tavaimichi ly anaw u pawn veng bo,” nanai satang ahei u ai; neampachychi ly mychi i yhm y, lawmra i nga nai vawnsaichi amji u ai.

ISAIA 31:9

Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

Leu Thui Nai 2:25

Vaini dengdairei meingtym tleirei y awm nai khumichi ly nangchi i amyn thai baly nangchi ai jei nai kaso theu hai ai,’ napi.

JOSUA 2:24

“Areng ly achi teng y huni pri verei ai ang pei takengkei nai bo; huni pri i khumi bawibawichi ly achi ai jei hyn u nai ne,” napi.

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

TARA CHIH NAI KEUNGCHI 14:19

Areng i sa thai naira ly Samson teng y tlenrei khyhmy atho ham hai nai deaungkho y, ni ly Asakelon mary y chei iy, khumi leaung phaireichi ai padei i, nichi teng i ateaung kahawichi la pi pawn nai khala, achi-aki nai thui pachai thai nai khumichi teng y pei pi. Huni bo y ni ly kado theu i, yhm mang y vawi bo.

1 SAMUELA 14:15

Tavai prangra y awm nai Philistia cheng bawibawichi ly khri pa-rei jei u; tai theung y awm nai tavaimichi hawi, tavai kang aleaung nai risachi ly athengra nanai ne. Khaileaung malawn py amchyh na i, paleung ka-echi ly ahei u phro phra bo.