2 NENG SATANG 14:12 - Khumi Common Language Bible

¹² Asa hawi Juda tavaimi kamkawm ly Ethiopia chengchi ai tiu nai khala, Areng ly Ethiopia chengchi ai sum hai bo.

2 NENG SATANG 14:12 ပူးပေါင်းရင်းမြစ်များ

ATITI AWM ANGCHEI NAI 10:19

Sidon tokalawi mang dengdairei Kaza mary sahawi Kerar mary tym pa-rei, nisi mang Sodom mary, Komora mary, Adamah mary, Zeboim mary hawi Lasha mary sahawi tym pa-rei py, Kanan pri peang y khrairei ahei akyhkyh bo.

1 NENG SATANG 5:21

Nichi ly paleung ka-echi teng i kula-iu 50,000 rei, beram 250,000 rei hawi keaungngo kano kasau 2,000 rei patiu vui bo. Langheng y khumi leaung 100,000 rei py patiu nai ne.

2 NENG SATANG 12:3

Ni ly tavai ka-ri 1,200 rei, keaungngo atang nai risa leaung 60,000 rei hawi, Libyan khumi, Sukki khumi, Ethiopia khumi raurei, kati leila y nai risachi abawi nai tavaimi kamkawm pui ai lu sa nai ne.

2 NENG SATANG 13:15

Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

2 NENG SATANG 15:11

Huni kani y nichi ly tavai keung y mychi nga nai vawnsaichi theung i si amai 700 rei hawi beram amai 7,000 reichi hawi Areng teng y apathyp u bo.

2 NENG SATANG 20:22

Nichi khulym thui u amteaung nai thym khala, Areng ly tym dudu nai tavaimichi ai ahei hai phro bo.

SAM 60:12

Kaichi mang y Tameuh my awm pi baly kaichi ly eaung ai; mymy ly kaichi i paleung ka-echi ai tiu nai pajau vui ai.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 12:51

Huni kani y my Areng ly Israela chengchi ai, Aikupta pri i dengdairei theu hai khyp nai ne.

THEU NAI 14:25

Mymy ly Aikupta tavaimichi i tavai ka-ri kheuchi phra hai nai deaungkho y, raira avum u bo. Hunaibaly Aikupta chengchi ly “Israela chengchi i jeng y Areng my achi ai tavai ang tiu nai bo, hi i nai athawn u ali sina bo he!” nanai thui u.

AMOS 9:7

Areng my, “Aw Israela khumichi awi, kai ly nangchi ai Ethiopia khumichi tleaung y aly len nai kang palawn bo. Kai ly nangchi ai Aikupta pri i dengdairei kang pahawi nai kamta, Philistia khumichi ai Karete tlawn i dengdairei py, Suria khumichi ai Kira pri i dengdairei py, kang pahawi nai ne.

I KORINTH 15:57

na i py achi i Areng Isu Krista i saho y pajau naira ang pei nai keung Tameuh teng y ly kawn nai leu tym sy.

I KORINTH 9:26

Hunaibaly kai ly amny amcha y nai angpreng nai ny y leang; kai i tapheu nai sai ly ali ai tapheu nai kamta ny y leang;

Leu Thui Nai 28:7

“Areng ly nangchi ai tiu nai paleung ka-echi ai sum hai ai. Nichi ly lam harei mang tiu ai nai ang jeu i py, lam takhrakhra mang preang u akyhkyh ai.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

JOSUA 10:10

Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.