2 NENG SATANG 14:11 - Khumi Common Language Bible

¹¹ Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 14:11 ပူးပေါင်းရင်းမြစ်များ

1 ARENG KEH 8:44

“Nang ly nangmy i khumichi ai paleung ka-echi hawi tavai atiu ai nai leu pei nai khala y, nichi ly nangmy i vawi takhra nai hini mary hawi, nang i vui kaimy kang sa pi nai hini Achura Yhm mang y mo tha iy chiu sa hnei takeng nai khala,

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

2 NENG SATANG 13:12

Tameuh ly kaichi ai lu sa iy pahawi nai keung ne. Mymy i pathyp pi nai keungchi py kaichi tavai tiu ai nai bawchi eng iy, ka-ma-ra patei ai nai angveirym bo. Israela khumichi awi, nangchi i Areng Tameuh hawi acham nai tavai atiu u moh! Nangchi pajau y leang!” napi.

2 NENG SATANG 13:14

Juda chengchi ly nithun mang y khen alengli nai khala, mymychi ai katanmeuh nai niu nai deaungkho y, Areng teng y, “Sabawm kyh ba,” nanai aeu u. Pathyp pi nai keungchi ly bawchi eng u.

2 NENG SATANG 13:15

Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

2 NENG SATANG 13:18

Juda chengchi ly mymychi i Areng Tameuh ai ym u nai deaungkho y Israela chengchi tlang tleaung y eaung naira nga u nai ne.

2 NENG SATANG 14:10

Huna nai khala Asa ly nichi ai tiu ai nai theu i, Zephathah leaunghawi y meingtym la.

2 NENG SATANG 16:7

Huni neng khala amo Hanani ly samrang Asa teng y chei iy, “Samrang nang ly nangmy i Areng Tameuh ai paleung pado y naimy, Suria samrang ai paleung pado lawh nai deaungkho y, Israela tavaimichi ly nang teng i nai tleaung veng bo.

2 NENG SATANG 18:31

Naibaly nichi ly samrang Jehoshapha ai niu nai khala, Israela samrang palawn iy alengli teang i tiu u bo. Na i py Jehoshapha aeu nai khala, Areng Tameuh my ni ai ama hai i, paleung ka-echi ly takhra mang y amhi iy tiu u.

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

2 NENG SATANG 20:32

Ni ly my i ampo Asa kamta Areng i mo y hawi nai kalopchi sa.

2 NENG SATANG 25:8

Tavai keung y nichi abawi nai deaungkho y, atho awmra ai, nanai nang ly athang khai lym ai. Na i py Tameuh ly tavai eaung naira hawi sum naira pei pajau nai keung ne nai deaungkho y, nang ly huni khumichi hawi amkawm lawh baly, nang ly paleung ka-echi i kiu y sum ai,” napi.

2 NENG SATANG 26:7

Tameuh ly ni ai Philistia chengchi, Kurabala mary y awm nai Arab chengchi, Meunit chengchi ai tiu ai nai sabawm.

2 NENG SATANG 32:20

Huna nai khala y samrang Hezekia hawi Amoz i chapo amo Isaia nini ly kasabawmra nga ai nai Tameuh teng y aeu naimy chiu sa hawi bo.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

SAM 120:1

Kai ly patang naira avum nai khala y Areng ai kapalau i, mymy ly pathang pi bo.

SAM 18:6

Kai ly patangra avum nai y Areng ai kapalau; kasabawmra nga ai nai kai i Tameuh ai kapalau nai ne. Mymy ly Achura yhm theung i dengdairei kai i palau nai raawi tangai pi bo.

SAM 20:5

Hunaibaly kaichi ly nang i eaung pawi molam y, amo theu parai naimy aeu u ai. Areng ai palo naimy nang i eaung pawira y abawi u ai. Tameuh my nang i hnei takeng nai ngierei pei pi sy.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

SAM 20:8

Huna nai khumichi ly athei iy atlym u ai. Na i py achi ly ang thau iy khaw parai naimy angdo ai.

SAM 22:5

Nichi ly nang teng y aeu naimy hnei takeng nai deaungkho y, ka-jeira i nai lawira nga u bo. Nichi ly nang ai ym u nai molam y, hawi naira nga u nai ne.

SAM 22:6

Na i py kai ly khumi ny y, thaideaung teu; khumi lutengchi my thui tamawn nai, khumi mei aniu y naira lawm bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 37:5

Nang ly nangmy ai Areng teng y a-au; hunaibaly mymy ly nang ai ang sabawm ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 9:19

Aw Areng, jeu kyh ba! Nang i tlang tleaung y khumichi my amtang ai nai pei moh! Myn y chiu nai khumichi ai nang i mo y jeu hai ly nichi ai tara chih ba.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

THEU NAI 14:10

Israela chengchi ly samrang i tavaimichi my hui nai niu u baly, khri pa-rei jei u i, sabawmra nga ai nai Areng teng y aeu naimy takeng u.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 2:22

Dei nai amjy napi nai khumichi ai ym naimy paleung apado u moh. Nichi ly ati kamran awm mo?

ISAIA 26:13

Kaichi i Areng Tameuh, kaichi ly amichi my ang peang nai avum u ai. Na i py nang leaungrei naini kaichi i Areng ne.

Levi 26:8

nangchi mang i khumi leaung pangreichi ly paleung ka-e leaung chungvaireichi ai mo, nangchi mang i khumi leaung chungvaireichi ly paleung ka-e leaung meaungkateaungreichi ai mo, tiu nai pajau u ai.

AMOS 5:9

Mymy ly atho awm nai khumichi hawi nichi i amtangrachi taphra pawn bo.

ZEKHARIAH 2:8

Nangchi ai tiu nai khumi ly kai i tahm khai keh nai ai tiu nai khumi ne,” napi. Hunai deaungkho y mymy i khumichi ai tiu nai khumichi teng y, hini satang thui pi ai nai kai ai ati cheaungkhang sa thai nai Areng my pato nai ne.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

AMTAW 3:16

Naibaly mymy i amyn y ym nai deaungkho y mymy i amyn my ly hini, nangchi i pany nai hawi niu nai khumi ai ly hawihai nai bo he: ne, mymy i saho y ym naira awm nai my ly nangchi bawibawi i mei ka-niu y ni ai hawihai pyn nai bo he.

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

Leu Thui Nai 32:30

Khumi leaung sangreichi ai leaungrei my, khumi leaung meaungkateaungreichi ai leaung nyhrei my ati mana nai tiu pajau nai mo? Nichi i Areng Tameuh my nichi ai khai su nai deaungkho y, nichi i ati cheaungkhang sa thai nai Tameuh my nichi ai sum hai nai deaungkho y ne.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

TARA CHIH NAI KEUNGCHI 7:7

Areng my Kideon teng y, “Kai ly tui ai palai hawi palei iy nei nai khumi leaung chungvai thomreichi hawi, nang ai atleu iy Midian chengchi ai eaung hai ai. Takhra khumi bawibawichi ai, yhm mang y vawi ai nai leu pei,” napi.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:47

Mymy ly my i khumichi ai atleu ai nai molam y haisau, tivi ateaungchi teaung ai nai aly ngai y nai py, hini meingtym y awm nai khumichi my niu u ai. Mymy ly tavai leaungsai kawp keh nai ne i, nangchi bawibawi ai kai i kiu y ang-au ai,” napi.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.