2 NENG SATANG 13:8 - Khumi Common Language Bible

⁸ Vai, nangchi ly Davida i kangpreangchi teng y Areng my pei nai sa thai naira ai tiu ai nai tau u lawh. Nangchi teng y atho awm nai tavaimi kamkawm hawi, nangchi chiu ai nai Jeroboam my sa nai sicho mynchi awm.

2 NENG SATANG 13:8 ပူးပေါင်းရင်းမြစ်များ

1 ARENG KEH 12:28

Huna adawn nai bo y Jeroboam ly muku hawi si kataicho myn sa iy mipuichi teng y, “Nangchi ly Jerusalem mary y chei iy Tameuh ai chiu nai neng kra parai bo. Israela khumichi awi, Aikupta pri i dengdairei ang pahawi nai tameuhchi ly hini tameuhchi ne!” napi.

1 ARENG KEH 12:29

Naibaly muku sikataichi myn harei ly Bethela mary y khai, harei nai ly Dan mary y khai pi.

1 ARENG KEH 14:9

Nang ly nangmy ny rai khala i peang nai samrangchi tleaung y py, khri pa-rei kamngo len naichi sa bo. Nang ly kai ai hi vui iy tameuh takhra ai chiu naimy mynchi sa nai molam y, kai ai kado patheu lawh ly.

2 NENG SATANG 11:15

Jeroboam ly myn chiu nai meingtymchi ai py, vawinamchi hawi my i sa nai sicho mynchi ai chiu sa naira y py, kalop sa ai nai my i ngai nai khumichi ai, pathyp pi nai keungchi ra y khai takhra bo.

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

2 NENG SATANG 20:6

Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

2 NENG SATANG 9:8

Nang i Areng Tameuh ai ly palo u sy! Mymy ly nang ai khri pa-rei tamen nai deaungkho y, mymy i jeng y peang pajau ai nai Israela samrang lawm hai iy tahm pasang bo. Mymy ly mymy i khumi Israela chengchi ai tamen iy, deungtasarei kry ai ngai nai deaungkho y, peang nai reita khaw ai nai hawi leu meitang adyh adawi naimy awm ai nai, nang ai nichi i samrang lawm hai iy tahm pasang bo,” napi.

SAM 33:16

Samrang napi nai ly my i tavaimi kamkawm pui deaungkho y, tavai eaung nai ny y; Tavaimi risa py my i atho haiho molam y eaung nai ny y.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

LUKA 19:27

Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.