2 NENG SATANG 13:15 - Khumi Common Language Bible

¹⁵ Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

2 NENG SATANG 13:15 ပူးပေါင်းရင်းမြစ်များ

2 ARENG KEH 5:1

Suria tavailu areng Neaman ai ly Suria samrang my, khri pa-rei tahm khai nai ne. Ati mana nai mo nabaly Neaman saho y Areng ly Suria tavaimichi ai, tavai eaung hai nai deaungkho y ne. Neaman ly sorai pui leaungrei ne i py, ka-jei awm nai keaungsi man bo.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 14:12

Asa hawi Juda tavaimi kamkawm ly Ethiopia chengchi ai tiu nai khala, Areng ly Ethiopia chengchi ai sum hai bo.

2 NENG SATANG 18:31

Naibaly nichi ly samrang Jehoshapha ai niu nai khala, Israela samrang palawn iy alengli teang i tiu u bo. Na i py Jehoshapha aeu nai khala, Areng Tameuh my ni ai ama hai i, paleung ka-echi ly takhra mang y amhi iy tiu u.

2 NENG SATANG 20:21

Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

2 NENG SATANG 20:22

Nichi khulym thui u amteaung nai thym khala, Areng ly tym dudu nai tavaimichi ai ahei hai phro bo.

SAM 47:1

Khumi cheng cheaungkhangchi awi, amo theu nai kiu tabeang u! Tao pajeng parai naimy khulym thui iy, Tameuh ai palo u!

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

JOSUA 11:8

Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

JOSUA 6:16

Mary ai tlen saryhrei taki thym nai, pathyp pi nai keungchi baw eng ai yh yh nai khala, Josua ly khumi bawibawichi teng y, “Tao pajeng parai naimy aeu u; Areng my nangchi teng y mary ang pei nai bo!

JOSUA 6:20

Naibaly pathyp pi nai keungchi my baw eng phai eng baly, khumi bawibawichi ly tao pajeng parai pa-rei aeu u i, mary apaichi anawi seaungkhrang na bo. Israela cheng bawibawichi ly mary theung y rai y naimy kun u i, mary ai vym vui bo.

TARA CHIH NAI KEUNGCHI 4:15

Naibaly paleung ka-echi ai tiu i, Areng my Sisera i tamo ka-richi hawi tavaimichi ai ahei hai phro nai deaungkho y, Sisera ly my i ka-ri tleaung i nai satla iy, angprengvui nai ne.