2 NENG SATANG 12:5 - Khumi Common Language Bible5 Shisha kiu i tleaung ai nai molam Jerusalem mary y angym u nai samrang Rehoboam hawi Juda miteaung kehchi teng y amo Shemaiah chei i, nichi teng y, “Areng my, ‘Nangchi ly kai ai khai u su nai deaungkho y, kai ly nangchi ai Shisha i kiu y au veng bo,’ ang napi,” napi. အခန်းကိုကြည့်ပါ။ |
Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.
Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.
Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.
Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.
Jeremia awi, Huni khumichi ly nang teng y, ‘Ati mana nai y Areng ly hina naichi sa lawh mo,’ nanai ang deng u ai. Naibaly nichi teng y, ‘Nangchi ly Tameuh ai khai su iy, nangmychi i pri y my cheng takhra tameuhchi i kalop sa pi u lawh. Hunai deaungkho y pri takhra mang y, cheng takhrachi i kalop sa pi ai nai tla ai,’ nanai pathang pi,” napi.