2 NENG SATANG 12:4 - Khumi Common Language Bible

⁴ Ni ly Juda pri i awm nai amtangra marychi ai tiu vui iy, Jerusalem mary y tym pa-rei tavai thau bo.

2 NENG SATANG 12:4 ပူးပေါင်းရင်းမြစ်များ

2 ARENG KEH 18:17

Asuria empara samrang Sennakheri ly Jerusalem mary y tiu ai nai, my i vawi patyp nai miteaung keh leaung thomreichi my lu sa nai tavaimi kamkawm pui ai, Lakhisa mary i dengdairei pato bo. Nichi ly Jerusalem mary y tym nai khala, salo tuikan mang leaung nai tui lam sahawi y ateaung aneng nai khumichi i kalop sa nai meingtym lam y tai u nai ne.

ISAIA 10:11

Samari mary ai mynchi hawi vanrei, kaimy taphra chum veng bo. Jerusalem mary hawi huni mary i khumichi chiu u nai mynchi py, huna nai kamta kasa ai,” napi.

ISAIA 36:1

Juda samrang Hezekia my peang nai saneng holai palyhrei saneng y, Asuria empara samrang Senakheri ly Juda pri y awm nai amtangra marychi ai tiu vui nai ne.

ISAIA 8:8

Asuria samrang hawi tavaimichi napi nai, lem heu nai tavo tui ly Juda pri verei y leaung naimy meingtym tleireira y, khumichi i kaneaung tym pa-rei um ai,” nanai kai ai leu pei bo. Aw Emmanuela Tameuh ly kaichi hawi vanrei awm na a! Mymy ly my i tamen nai pakhi kadai iy, kaichi i pri ang kry pi nai ne.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.