2 NENG SATANG 12:3 - Khumi Common Language Bible

³ Ni ly tavai ka-ri 1,200 rei, keaungngo atang nai risa leaung 60,000 rei hawi, Libyan khumi, Sukki khumi, Ethiopia khumi raurei, kati leila y nai risachi abawi nai tavaimi kamkawm pui ai lu sa nai ne.

2 NENG SATANG 12:3 ပူးပေါင်းရင်းမြစ်များ

2 SAMUELA 10:18

Israela chengchi ly Suria khumichi ai neaung vui bo. Davida i khumichimy Suria tavai ka-ri lu sa nai leaung 700 reichi hawi, keaungngo atang nai risa leaung 40,000 reichi ai tamyh vui iy, paleung ka-e tavailu areng Sobach ai py tamo nga hai bo. Naibaly ni ly tavai keung y my dei nai ne.

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

2 NENG SATANG 14:12

Asa hawi Juda tavaimi kamkawm ly Ethiopia chengchi ai tiu nai khala, Areng ly Ethiopia chengchi ai sum hai bo.

2 NENG SATANG 14:8

Samrang Asa ly khupui hawi tivi syn nai Juda risa leaung 300,000 rei hawi Benjamin risa leaung 280,000 rei abawi nai tavaimi kamkawm awm. Hunichi bawibawi ly sorai paleung awm iy, hawihai palai acham yb naichi ne.

2 NENG SATANG 14:9

Ethiopia cheng Zerah napi nai khumi ly risa leaung 100,000,0 rei, tavai ka-ri 300 rei hawi Juda pri y kun i, Maresha mary y tym pa-rei tavai tiu nai ne.

2 NENG SATANG 16:8

Ethiopia hawi Libyan chengchi theung y tavai ka-ri hawi keaungngo atang nai risa neangneang abawi nai tavaimi kamkawmchi awm nai ny y a? Na i py samrang ly Areng ai paleung pado nai deaungkho y, mymy ly samrang nang ai huni tavaimi kamkawmchi ai eaung ai nai pei nai ne.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

Ezekiela 30:5

“Tavai keung y Ethiopia pri, Libia pri, Ludia pri, Arabia pri, Kuba prichira i alai nai tavaimichi hawi, kai i khumichi theung i phyrei khumichi dei u ai,” napi.

DANIELA 11:43

Ni ly Aikupta pri y heu vui nai muku tangkachi hawi, takhra vang kateng vawnsaichi la pi pawn ai. Libia pri hawi Ethiopia prichi ai py, tiu iy pajau vui ai.

NAHUM 3:9

thebe mary ly Ethiopia hawi Aikupta pri ai peang. Pata pajau y nanai pa-rei sa thai naira kawi bo. Libia pri ly Aikupta pri hawi amsawi amnai ne i py,

AMTENG HAI NAI 9:16

Naibaly keaungngo tleaung y atang nai kamkawmchi i nawi nai sai ly kudi apomrei awm: nichi i nawi nai sai ly ang thui pi nai kathai.

TARA CHIH NAI KEUNGCHI 4:13

ni ly tamo ka-ri chungvairei hawi, my i khumi bawibawichi ai palau iy, cheng takhrachi awm nai Haroset mary dengdairei, kishon tavo mang y pato nai ne.

TARA CHIH NAI KEUNGCHI 6:5

Nichi ly mychi i kanih yhmchi, beramchi, sichi hawi vawi u ali teang reng nai ne. Nichi i nawi nai sai ly akhutama kanghuchi kamta ne. Nichi hawi mychi i kula-iuchi py, kati pajau y na pa-rei nawi na; nichi ly jeu u iy awm nai ngierei ai taphra u.

1 SAMUELA 13:5

Philistia chengchi ly Israela chengchi ai tiu ai nai akachu u. Nichi teng y keaungngo ka-ri 30,000 rei, keaungngo atang nai risa leaung 6,000 reichi hawi, pangli peang i spryh kamta kati pajau y na pa-rei, nawi nanai tavaimi risachi awm. Nichi ly amsa u i, Bethavan nisi mang i Mikhama mary y tai u bo.