2 NENG SATANG 12:13 - Khumi Common Language Bible

¹³ Rehoboam ly Jerusalem mary samrang yhm y awm iy, sa thai naira asang nai ne. Samrang lawm nai thym khala ni ly saneng 41 rei awm. Jerusalem mary y saneng 17 rei peang. Israela theaung bawibawichi awm nai marychi theung y huni mary ai Areng ly mymy ai chiu nai meingtym vawi takhra bo. Rehoboam i amhm ly Ammon pri neampachy Naamah ne.

2 NENG SATANG 12:13 ပူးပေါင်းရင်းမြစ်များ

1 ARENG KEH 11:1

Solomon i khrei nai cheng takhra neampachy neangneang awm. Ni ly Aikupta samrang i chaniu khyh chang y i, Hiti neampachy, Moba neampachy, Ammon neampachy, Edom neampachy hawi Sidon neampachychi ai py aju palawn.

1 ARENG KEH 11:36

Na i py Solomon i chapo ai ly cheng harei peang ai nai kapei pi ai. Hina nai kamta pei nai ly kai ai chiu nai meingtym lawm ai nai, kaimy vawi takhra nai Jerusalem mary y, kai i miseaung Davida i katu chanauchi samrang lawm nai avaw hai y ai nai ne.

1 ARENG KEH 14:21

Solomon i chapo Rehoboam ly Juda samrang lawm nai khala y, saneng vui palyh pa-ngo harei awm; ni ly Tameuh ai chiu naira meingtym Israelachi i khu ka-peang verei theung i, Areng my vawi takhra nai Jerusalem mary y, saneng holai saryhrei peang. Rehoboam i amhm ly Ammon cheng neampachy Naamah ne.

2 NENG SATANG 12:1

Rehoboam ly mymy i sa thai naira khaw ai nai sa chum baly, ni hawi ni i khumi bawibawichi ly Areng i Reita khai u su bo.

2 NENG SATANG 13:7

khumi hawi y naichi ai kachu bo. Nichi ly Solomon i chapo Rehoboam ai mymychi ngai nai kamta sa hai bo. Rehoboam ly saneng nau iy, pany nai sai di nai deaungkho y, nichi ai ei pajau y.

2 NENG SATANG 6:5

‘Nichi ai Aikupta pri i kapahawi nai neng dengdai vaini khrairei, kai ly mani Israela marychi ai py, kai ai chiu nai meingtym palawn ai nai vawi takhra y leang. Mani khumi ai py kai i khumi Israela chengchi ai lu sa ai nai vawi takhra y leang.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

NEHEMIA 13:1

Naibaly huni kani y Mosi i Reita leu pei nai ai khumichi i mo y phain u i, Ammon chengchi hawi Moba chengchi ai, Tameuh i khumichi theung y mana khala py tabawi pajau y, nanai leu sai tym bo.

NEHEMIA 13:26

Kai ly nichi teng y, “Samrang Solomon ai kamngo sa hai nai khumichi ly cheng takhra neampachychi ne. Huni samrang ly cheng takhra khumichi i samrang bawibawichi tleaung y sa thai naira len keh. Tameuh ly ni ai tamen nai deaungkho y, Israela pri verei y peang hai nai ne. Na i py ni ly cheng takhra neampachychi hawi apom nai kamngo sa bo.

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

Leu Thui Nai 12:11

Areng ly nangchi i vui mymy ai chiu ai nai meingtym harei ang vawi pi takhra ai. Kaimy leu pei nai kamta nangchi leng patlum nai kapathypra hawi takhra kapathypra bawibawichi, horei y harei hawi katalamrachi, huni meingtym y syn u ai nai tla.

Leu Thui Nai 12:5

Areng ly nangchi cheng theaung bawibawichi awm nai khu ka-peang dengdairei, mymy i mo y khumichi jeu achu iy mymy ai chiu ai nai meingtym harei vawi pi takhra ai.

Leu Thui Nai 23:3

“Ammon cheng, Moba cheng hawi nichi i kangpreang deung ho khrairei ly Areng i khumichi theung y tabawi ngau y.