2 NENG SATANG 10:16 - Khumi Common Language Bible

¹⁶ Samrang ly mychi i leu tangai pi ai ny y leang bo, nanai pany nai khala khumichi ly “Achi ly Davida hawi ni i yhm dengtheungchi teng i ati phy py ngo y. Jese i chapo teng i achi ly ati kamtym py ngo y leang. Aw Israela khumichi awi, amychi yhm mang phai vawi u sina! Rehoboam ly mymy i yhm dengtheungchi phai khen na sy!,” nanai aeu u. Hunaibaly Israela khumichi my tiu nai deaungkho y,

2 NENG SATANG 10:16 ပူးပေါင်းရင်းမြစ်များ

2 SAMUELA 15:13

Abasalom ly Israela chengchi my ka-ym awm nai keung lawm veng bo, nanai khumi leaungrei my Davida teng y satang thai hai pi bo.

2 SAMUELA 16:11

Naibaly Davida ly Abisai hawi samrang i bangtangchi teng y, “Kai i chapo kypkyp my malawn py kai ai padei ai nai sa nai deaungkho y, hini benjamin khumi i sa nai ly lyh u lawh a? Mymy ngai ngai so sy, pasawi teu sy; Areng my leu pei nai deaungkho y, ni ly hina nai sa nai ne.

2 SAMUELA 20:1

Kilakala mary y Benjamin nupai Bikri i chapo Seba napi nai khumi kamthu kamleaung leaungrei awm. Ni ly baw eng iy, “Davida ai aly ngai y, Kaichi ly ni i nithun abang ai nai ngai y. Israela khumichi awi, achi ly yhm y vawi u sina!” nanai aeu bo.

1 ARENG KEH 11:13

Naibaly kai ly kai i miseaung Davida saho y py, kai i mary pui lawm ai nai vawi takhra nai Jerusalem mary molam py, Davida i pri verei lo pi y ai; ni i cheng theaung harei khai pi ai,” nanai Solomon teng y thui pi bo.

1 NENG SATANG 17:14

Kai i khumi hawi kai i pri y kry jojo ai nai, ni teng y au ai. Ni i samrang kangpreang ly mana khala py avaw vui ai ny y,’ nanai thui pi,” nanai Nathan teng y leu pei nai ne.

2 NENG SATANG 10:17

Rehoboam ly Juda khu ka-peang y awm nai khumichi ai naini peang khyh bo.

2 NENG SATANG 10:19

Naibaly huni neng dengdairei Israela pri tosyh mang i khumichi ly Davida i samrang kangpreangchi ai vaini khrairei tiu u nai ne.

SAM 132:17

Kai ly hini mary y Davida i katu chanau leaungrei ai tahm asang keh nai samrang y kakhai ai; hini mary y kaimy vawi takhra nai samrang i sa thai naira khaw hai ai.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

LUKA 19:27

Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.

JOHAN 6:66

Hunaibaly abangnai neangneangchi ly anaw veng i, mymy hawi amkawm ali y leang bo.

JOHAN 7:53

Naibaly nichi leaung leaungrei ly amy i yhm y vawi akyh kyh bebe.

AMTAW 2:30

Ni ly amo ne i, Tameuh my ni i phai bawi kamji khumi ami ai mo ni i areng atehra tleaung y ateh hai ai, nanai vaineng abeu naimy thui, nanai ni ly pany.

I KORINTH 15:25

ati mana nai mo nabaly mymy ly mymy i paleung ka-e bawibawichi ai mymy i kheu anui y khai y ryrei ly, ni ly peang ai nai tla yb nai ne.

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.

TARA CHIH NAI KEUNGCHI 8:35

Nichi ly Israela chengchi i vui Kideon my sa pi nai hawi nairachi hawi, ni i yhm dengtheungchi tlang tleaung y, kawn ai nai pany u y bo.

1 SAMUELA 20:27

Losi pawi kani bo i kani pa-nyh nai khala y py, Davida i atehra ly akeu nai niu i, Sawla my Jonathan teng y, “Ati mana nai y Davida ly jangdyh py tym y, vaini py tym y nai mo?,” nanai deng.

1 SAMUELA 22:13

Sawla my ni teng y, “Nang hawi Davida ly ati mana nai kai ai tiu ai nai dawn paviu hawi lawh mo? Nang ly ati mana nai ni ai, teicha teinei hawi haisau pei pi lawh mo? Ati mana nai ni i vui Tameuh teng y hnei pi lawh mo? Vai, ni ly kai ai ang tiu lawh bo; kai ai padei ai nai neng ka-vo hau lawh bo ly!,” napi.

1 SAMUELA 22:7

my i miteaung kehchi teng y, “Nangchi Benjamin cheng theaungchi awi, tangai u! Davida ly nangchi ai li hlauchi hawi kreip akhochi ang pei iy, tavaimichi ai peang nai miteaung kehra y ang khai ai, nanai athang khai u a?

1 SAMUELA 22:9

Huna nai khala y Edom mary i khumi Doka ly Sawla i miteaung kehchi hawi angdo i samrang teng y, “Davida ly Ahitub i chapo Ahimelek awm nai Noba mary y chei nai kaniu.