2 NENG SATANG 1:8 - Khumi Common Language Bible

⁸ Solomon my, “Nang ly kai i ampo Davida teng y tamen naira len parai nai amteng pi jojo iy, vai kai ai py ni meingtym y samrang lawm hai bo.

2 NENG SATANG 1:8 ပူးပေါင်းရင်းမြစ်များ

2 SAMUELA 22:51

Tameuh ly mymy i khai takhra nai samrang ai eaung naira pei; mymy i khai takhra nai samrang Davida dengdairei, kangpreangchi teng y khaw parai nai tamen naira ly deungtasa khrairei patei pi bo.

1 ARENG KEH 3:6

Solomon my, “Nang ly nangmy i miseaung, kai i ampo Davida teng y khri pa-rei tamen naira ly avawrei amteng hai bo. Ni ly nang i mo y hawi naira hawi ka-ym awm naira hawimy atyp iy awm nai ne. Naibaly nang ly ni teng y chapo leaungrei pei iy, tamen naira ly amtawn hai jo bo. Vaini, huni chapo ly ampo i atehra tleaung y ateh naimy awm.

1 NENG SATANG 17:16

Samrang Davida ly Areng i tai theung y kun iy ateh naimy chiu sa nai ly “Aw Areng Tameuh, kai hawi kai i yhm dengtheungchi ly nang i atiti sa pi naichi hawi ataing y leang.

1 NENG SATANG 28:5

Mymy ly kai ai chapochi thawn hai iy, huni chapochi theung i Solomon ai Areng i pri napi nai Israela pri peang ai nai vawi takhra bo.

1 NENG SATANG 29:23

Hunai deaungkho y Solomon ly ampo i meingtym y amtym iy, Areng my khaw hai nai areng atehra tleaung y ateh bo. Ni ly eaung nai samrang ne. Israela cheng vereichi my py, ni i leu tangai u.

1 NENG SATANG 29:28

Ni ly khri pa-rei yhmtheaung katui nang chawn iy, khumichi my tahm khai i, khri pa-rei miteaung acheang nai khala dei nai ne.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

SAM 89:49

Aw Areng, vaichi khala y thui pi nai nang i tamen naira ly ma mang y awm vui mo? Davida teng y nang i adeu nai leuchi ly ma y mo?

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.