2 ARENG KEH 9:2 - Khumi Common Language Bible

² Huni mary y tym nai khala, Nimshi i katu, Jehoshapha i chapo Jehu ai hau; naibaly ni ai ahawichi theung i nai hawi takhra vui iy, avym nai takun harei mang y palau vui.

2 ARENG KEH 9:2 ပူးပေါင်းရင်းမြစ်များ

1 ARENG KEH 20:30

Dei kamthun khumichi ly Aphek mary mang y angpreng u i, khumi leaung 27,000 reichi ai ly mary apai my anawi hai bo. Benhada my py mary theung y angpreng i, yhm harei i takun theung y aheu vui nai ne.

1 ARENG KEH 22:25

Mikha my, “Nang aheu vui ai nai takun theung y kun nai khala pany ai,” napi.

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

2 ARENG KEH 9:14

Naibaly Jehu ly samrang Joram ai kangviu y padei ai nai dawn paviu bo. Huna nai khala samrang ly Suria samrang Hazaela hawi Ramoth mary y atiu nai khala nga nai tamo hawi sa ai nai Jezarela mary y tym yb nai ne. Hunai deaungkho y Jehu ly my i ahawi tavailu arengchi teng y, “Nangchi ly kai mang y asa naichi ne baly, Jezarela mary i khumichi teng y pany hai ai nai, ami py Ramoth mary i nai theu moh sy,” napi.

2 ARENG KEH 9:20

Huni savai ly Jehu teng y tym i py vawi ali teang y, nanai angdeangra salo mang niu nai tamcheaung ly samrang teng y amti pi bo. Naibaly huni khumi my, “Huni kamkawm ai lu sa nai keung ly my i tavai ka-ri ai, Jehu i atang nai ka-tawm ly kamthu kamta athoreimy ang jeu bo,” napi.

2 ARENG KEH 9:5

Huni meingtym y tavailu arengchi leu arum nai niu baly, “Tavai lu areng awi, kai ly nang i vui satang kang syn pi bo,” napi. Jehu my, “Kaichi theung i, ami i vui mo?,” nanai deng. Huna nai khala amo thawndeang my, “Nang i vui ne,” napi.