2 ARENG KEH 5:9 - Khumi Common Language Bible

⁹ Hunaibaly Neaman ly keaungngochi my ryh nai ka-ri atang iy, Elisa i yhm mo y tym i, angdo.

2 ARENG KEH 5:9 ပူးပေါင်းရင်းမြစ်များ

2 ARENG KEH 3:12

Samrang Jehoshapha my, “Ni ly amo tatang ne,” napi i, samrang leaung thomreichi ly Elisa teng y chei u bo.

2 ARENG KEH 5:10

Elisa my ni teng y, “Nang ly Jordan tavo y tui tlen saryhrei ahiu baly, nang i keaungsi ly chai pyn ryp ai mang,” nanai miseaung ai pato iy thui hai bo.

2 ARENG KEH 5:8

Amo Elisa ly huni atitichi thai nai khala, samrang teng y, “Ati mana nai y nang ly paleung khrukhra naira tym lawh mo? Israela pri y amo awm!, nanai pany hai ai nai, ni ai kai teng y pato,” napi.

2 ARENG KEH 6:32

Naibaly Elisa ai patiu ai nai khumi leaungrei pato nai ne. Huna nai thym khala y Elisa ly mymy teng y pavai nai miteaung kehchi hawi vanrei, mymy i yhm y awm. Samrang i pato nai savai tym y kyh rai khala, Elisa my huni miteaung kehchi teng y, “Khumi ai tleh nai keung ly kai ai padei ai nai khumi leaungrei ang pato bo ho! Hunai deaungkho y huni khumi ang tym nai khala y, katheu kho u veng. Ni ai kun ai nai pei u moh; samrang ly ni i nithun mang ang jeu ai,” napi.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.