2 ARENG KEH 1:3 - Khumi Common Language Bible

³ Na i py Areng i kani pri amtaw thau ly Tshabe mary i amo Elija teng y, “Samrang Ahazia i savaichi hawi ka-vum so. Ati mana nai deaungkho y nangchi ly Ekron i tameuh Balazebu teng y leu deng ai nai chei u lawh mo? Israela pri y tameuh by y nai sai a?

2 ARENG KEH 1:3 ပူးပေါင်းရင်းမြစ်များ

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 18:1

Huni bo kani kra kyh nai khala y, kani khang nai py saneng thomrei awm i, Areng my Elija teng y, “Nang ly chei iy samrang Ahab i mo y kun; kai ly kani nai hai ai,” napi.

1 ARENG KEH 18:36

Kani ka-reu apathyp nai neng tym nai khala y, amo Elija ly maicham sahawi y chei i, “Aw Abraham, Isaka, Jakob i Areng Tameuh, nang ly Israela chengchi i Tameuh ne, nanai hawi, kai ly nang i miseaung ne i, hini sa nai bawibawichi ly nang i leu pei nai saho y sa nai ne, nanai py vaini pany u sy.

1 ARENG KEH 19:5

Ni ly dengkeaung keung anui y aseaung iy i bo. Kani pri amtaw thau leaungrei ly ni ai kiu hawi tabi i, “Angthau ly cho ba,” napi.

1 ARENG KEH 19:7

Kani pri amtaw thau nai ly pa-nyh jeu bi iy, “Nang i chei ai nai khuleaung ly palo nai deaungkho y, ang thau ly cho ba,” napi.

1 ARENG KEH 21:17

Naibaly Areng ly Tishbe mary y awm nai amo Elija teng y,

2 ARENG KEH 1:2

Israela samrang Ahazia ly Samari mary, my i samrang yhm amphu salo i savang mang tla i, khri pa-rei no nga bo. Naibaly ni ly Philistin pri Ekron mary i tameuh Balazebu teng y savaichi pato iy, mymy no hawi teang ai mo, hawi teang y ai mo, nanai deng hai bo.

2 ARENG KEH 1:6

Nichi my, “Khumi leaungrei ly kaichi hawi ka-vum sa i Areng my nang teng y, ‘Israela pri y tameuh by y nai deaungkho y Ekron tameuh Balazebu teng y savaichi pato iy leu deng lawh a? Nang ly no hawi teang ai ny y, dei ai!” nanai leu pei nai deaungkho y, nang teng y vawi ali teang ai nai kaichi ai pato nai ne,” napi.

2 ARENG KEH 1:8

Huni khumichi my, “Ni ly mawipeih baichu amchiu iy, mawipeih khobai akawm nai ne,” nanai pathang u. Samrang my, “Huni khumi ly Elija na a tu ly!” napi.

2 ARENG KEH 5:15

Ni ly mymy i khumichi hawi vanrei, Elisa teng y ali teang iy, “Israela chengchi i Tameuh ny y baly, tameuh takhra by y, nanai vai ly kapany bo. Hunai deaungkho y areng awi, kai i pei nai langseaung talam ba,” napi.

2 ARENG KEH 5:8

Amo Elisa ly huni atitichi thai nai khala, samrang teng y, “Ati mana nai y nang ly paleung khrukhra naira tym lawh mo? Israela pri y amo awm!, nanai pany hai ai nai, ni ai kai teng y pato,” napi.

SAM 76:1

Juda pri y ly Tameuh ai pany u bo; Israela pri y mymy i amyn ly nang parai nai ne.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JONA 2:8

Ati sai py ny y nai mynchi y chiu nai khumichi ly nang i tlang tleaung y ka-ym by y naichi ne.

MARKA 3:22

Naibaly Jerusalem i dengdairei kathiu nai Reita patiu nai keungchi my ly, “Ni teng y Beelzibula awm na a hi ly,” napi nai hawi, “Vawinam areng nai deaungkho y na a vawinamchi ai patheu reng nai ly,” napi teang bi.

AMTAW 8:26

Naibaly Areng i kani pri i amtaw thau nai leaungrei my Philipa teng y, “Angthau ly, tokalawi mang, Jerusalem dengdairei Kaza avang y theu nai lam y tako ba; huni ly daichi ka-vym ne,” napi.

1 SAMUELA 17:46

Vaini my Areng ly nang ai, kai i kiu y ang-au ai; kai ly nang ai kang pajau vui ai i, nang i lu kang tameang vui ai. Naibaly Philistin tavaimichi i veuchi ai tavochi, mawi kasichi i teicha lawm hai ai; huna nai khala y Israela chengchi teng y, Tameuh awm nanai khaileaung pri vereichi my pany u ai.