2 ARENG KEH 1:2 - Khumi Common Language Bible

² Israela samrang Ahazia ly Samari mary, my i samrang yhm amphu salo i savang mang tla i, khri pa-rei no nga bo. Naibaly ni ly Philistin pri Ekron mary i tameuh Balazebu teng y savaichi pato iy, mymy no hawi teang ai mo, hawi teang y ai mo, nanai deng hai bo.

2 ARENG KEH 1:2 ပူးပေါင်းရင်းမြစ်များ

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

1 ARENG KEH 14:3

Ni i vui tako tlip horei, tako phi phyrei hawi khawihang palangrei syn iy ani i chapo ly ati mana lawm ai mo, nanai deng cham; ni my ang thui pi ai mang,” napi.

1 ARENG KEH 22:34

Na i py Suria risa leaungrei i patyp y naimy ko jo nai thailiho chynrei nai ly samrang Ahab i tavai ateaung amchiu nai tawm sala y chawn khyp nai ne. Samrang my, “Kai ly tamo nga bo! kai ai tavai keung i nai theu hai jau! " nanai ka-ri lu sa nai khumi teng y leu pei bo.

1 ARENG KEH 22:40

Ahab dei nai khala chapo Ahazia ly ampo i meingtym amtym i, samrang y lyn bo.

2 ARENG KEH 1:16

samrang teng y, “Areng my thui pi nai ly ‘Israela pri theung y leu deng ai nai tameuh by y nai deaungkho y, Ekron i tameuh Balazebu teng y deng ai nai savaichi pato nai a? Huna nai y nang ly no hawi ali teang ai ny y, dei ai!’ nanai lei ang pei,” napi.

2 ARENG KEH 1:3

Na i py Areng i kani pri amtaw thau ly Tshabe mary i amo Elija teng y, “Samrang Ahazia i savaichi hawi ka-vum so. Ati mana nai deaungkho y nangchi ly Ekron i tameuh Balazebu teng y leu deng ai nai chei u lawh mo? Israela pri y tameuh by y nai sai a?

2 ARENG KEH 1:6

Nichi my, “Khumi leaungrei ly kaichi hawi ka-vum sa i Areng my nang teng y, ‘Israela pri y tameuh by y nai deaungkho y Ekron tameuh Balazebu teng y savaichi pato iy leu deng lawh a? Nang ly no hawi teang ai ny y, dei ai!” nanai leu pei nai deaungkho y, nang teng y vawi ali teang ai nai kaichi ai pato nai ne,” napi.

2 ARENG KEH 17:16

Nichi ly mychi i Areng Tameuh i Reita bawibawichi taphra u iy, chiu ai nai sikatai myn nyhrei sa u. Nichi ly Aser tameuh nu myn py sa u; ka-si taukichi py chiu u iy, bala tameuh ai py chiu u bo.

JOBA 31:3

Mymy ly hawi y sa nai khumichi ai patang naira hawi myh kang naira tym hai bo.

Solomon i khulym 2:9

Kai i khrei nai keung ly sakhi hawi mo, sisiu kataichy hawi mo atawm nai ne. Ni ly angpang sahawi y angdo. Naibaly thaibeng pa-khochi mang py, amhi mawi sala mang py kai ai khen nai ne.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 2:6

Aw Tameuh, nang ly Jakob i katu chanauchi ne nai, nangmy i khumichi ai khai su lawh ly! Nichi i pri py nisi mang i prichi, Philistin chengchi i atam kakawp teaung naichi hawi kawi na bo. Mipuichi ly pri takhra reita tanynchi teaung u nai ne.

ISAIA 37:12

Kai i amsi pajochi ly Kozan mary, Haran mary hawi Rezeph marychi ai taphra iy, Telasar mary y awm nai Betheden chengchi ai tamyh pawn nai ne. Nichi i tameuhchi theung i mani tameuh my py, nichi ai atleu pajau y.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MARKA 3:22

Naibaly Jerusalem i dengdairei kathiu nai Reita patiu nai keungchi my ly, “Ni teng y Beelzibula awm na a hi ly,” napi nai hawi, “Vawinam areng nai deaungkho y na a vawinamchi ai patheu reng nai ly,” napi teang bi.

LUKA 11:15

Na i py phyreichi my ly, “Vawinam areng Beelzibula deaungkho y na a, vawinamchi ai patheu rengnai ly,” napi.

AMTAW 20:9

Naibaly amyn Eutuka napi nai thawndeang leaungrei thaibeng pa-kho y ateh nai, i kamhm ngam ryry; naibaly Pawla leu thui nai kra parai lawh nai deaungkho y ni ly i kamhm kham pajau y nai yhm sambeu thomreira i dengdairei tla i, veu akhui.

JOSUA 15:11

Huni bo baly Ekron mary tosyh mang i mawi mang y tym khala, Sikeron mary mang y amhi iy

TARA CHIH NAI KEUNGCHI 11:24

Nang ly huni khu ka-peang nga teang ai nai atho sa ai a? Nangmy i tameuh Khemosa my ang pei nai ngierei nang peang pajau mang. Na i py kaichi i vui, kaichi i Areng Tameuh my peang vui nai khu ka-peang ngiereichi ly kaichi my peang ai.

TARA CHIH NAI KEUNGCHI 5:28

Sisera i amhm ly thaibeng pa-kho mang angdeang; ni ly amhi mawi angpang nithun mang khen ryry. “Ni i ka-ri ly ati mana nai y patyh lawh mo?” “Ni i keaungngochi ly ati mana nai vawi patyh lawh mo?” nanai tangam naimy thui bo.

1 SAMUELA 5:10

Hunai deaungkho y nichi ly Leu Maikawm Pawm ai takhra Philistia mary harei Ekron mary mang y tha u bi bo. Na i py huni mary y Leu Maikawm Pawm tym nai khala khumichi my, “Nichi ly achi bawibawi ai padei ai nai, Israela chengchi chiu nai Tameuh i Leu Maikawm Pawm achi teng y ang tha lawh bo,” nanai aeu u.