1 SAMUELA 9:6 - Khumi Common Language Bible

⁶ Miseaung my, “Kaneu rai! hini mary theung y khumi kachai leaungrei awm; ni i thui nai ngiereichi ly teng khyp reng nai deaungkho y, khumichi my ni ai tahm khai u; ni ly keaungngo kano kasauchi niu pajau nai meingtym ani teng y ang thui pi pajau ai,” napi.

1 SAMUELA 9:6 ပူးပေါင်းရင်းမြစ်များ

ATITI AWM ANGCHEI NAI 24:42

Vaini kai tuikan y tym nai kha y, ‘Kai ly kai i yhmkeung Abraham i Areng Tameuh, kai i sa naira ai eaung naira pei kyh ba.

2 SAMUELA 15:27

Huni bo y samrang my Zadok teng y, “Khen cham, nang i chapo Ahima hawi Abiatha i chapo Jonathanchi ai palau iy, paleung awmnem naimy mary theung y vawi u.

1 ARENG KEH 13:1

Juda pri i amo leaungrei ly Areng i leu pei nai kamta Bethela mary y chei i, apathyp ai nai maichamra y Jeroboam angdo nai neng khala tym nai ne.

2 ARENG KEH 5:8

Amo Elisa ly huni atitichi thai nai khala, samrang teng y, “Ati mana nai y nang ly paleung khrukhra naira tym lawh mo? Israela pri y amo awm!, nanai pany hai ai nai, ni ai kai teng y pato,” napi.

2 ARENG KEH 6:6

Elisa my, “Atiu ly manira y tla nai mo?” nanai deng. Huni khumi ly tla nai meingtym patei pi. Elisa ly thengbeang harei tameang iy tui theung y aphi i, atiu ly tui salo y po hawp teang bo.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

MATTHAI 24:35

Kani khaileaung ly tama ai i, kai i leu ly tamo y ai.

Leu Thui Nai 33:1

Tameuh my vawi takhra nai Mosi ly mymy dei y rai khala, Israela khumichi teng y hina nai kamta, amtheaungra pei nai ne.

I THESALONIKA 2:10

Nangchi ym nai khumichi i tlang tleaung y kaichi ly chai parai nai hawi, hawi parai nai hawi, cheh ai by y nai pa-rei awm nai sai ly nangchi hawi Tameuh py pany hai nai keung ne;

I THESALONIKA 5:13

nichi i atiti sa nai deaungkho y tamen iy khri pa-rei tahm khai ai nai kang takeng.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

1 SAMUELA 2:27

Amo leaungrei ly Areng teng i amo leu thui pi ai nai Eli teng y tym. Huni amo leu ly hini ne; “Nangchi i amsi pajo Aron hawi yhm dengtheungchi ly Aikupta samrang teng y miseaung achei u nai thym khala, kai ly Aron teng y amteng bo.

1 SAMUELA 9:8

Miseaung my, “Kai teng y tangkacho tlaurei awm; huni tangka ni teng y pei ai; naibaly ni my niu pajau nai meingtym, ani ai ang thui pi ai,” napi nai pathang.