1 SAMUELA 9:16 - Khumi Common Language Bible

¹⁶ “Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.

1 SAMUELA 9:16 ပူးပေါင်းရင်းမြစ်များ

2 SAMUELA 3:18

Vai ly nangchi i vui neng kahawi ne. Areng my, ‘Kai i khumichi ai Philistia chengchi hawi, takhra paleung ka-echi kiu i nai kai i miseaung Davida kiu hawi atleu ai’ nanai ang thui pi nai ly pany u,” napi.

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

SAM 102:1

Aw Areng, kai i chiu sa nai tangai pi kyh ba; sabawm ai nai kai i aeu nai raawi tangai pi kyh ba!

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

SAM 25:18

Kai i avum nai rai nairachi hawi patang nairachi pany pi iy, kai i kamngochi pahen pi kyh ba.

LEU KACHENG 16:9

Khumi ly amy i chei ai nai lam pasym yb teu i py, ni i kheulangchi ai, Arengmy sa pi yb nai ne.

JEREMIA 32:8

Hunaibaly Areng i thui nai kamta, kai i amnau Hanamela ly kai i awm nai theaung theung y ang jeu iy, “Benjamin khu ka-peang theung y awm nai kai i li van ba. Nang ly kai hawi abi keh nai amjo amnau ne nai deaungkho y, huni khaileaung van ai nai avo keh,” napi. Huna nai khala y kai ly huna sa ai nai Areng my leu pei nai kapany i,

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 14:20

Naibaly ni hawi ni i risachi ly khrukhra nai theung y, mychi tengtawi atamang meungmang naimy atleh u nai Philistia chengchi theung y kun iy tiu u bo.

1 SAMUELA 14:23

Israela chengchi ly Philistia chengchi ai Bethavan mary katlen nai ryrei tiu u; huni kani y Areng ly Israela chengchi ai atleu nai ne.

1 SAMUELA 15:1

Samuela ly Sawla teng y, “Areng ly mymy i khumi Israela chengchi i samrang lawm ai nai molam, nang ai asitui lei ai nai kai ai pato nai ne. Hunai deaungkho y, ati cheaungkhang sa thai nai Areng i leu pei naichi tangai ba.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 16:3

Apathyp nai ra y Jesai ai palau; nang mana sa ai nai tla ai mo, nanai kaimy kang thui pi ai. Kai i kang thui pi nai khumi ai, samrang y palyn nai asitui leih ba,” nanai leu pei bo.