1 SAMUELA 9:1 - Khumi Common Language Bible

¹ Benjamin cheng theaung theung y khumi leaungrei awm; ni i amyn ly Kisa ne; ni i ampo ly Abiela, amsi ly Zeror ne. Ni ly Aphiah nupai Bekora yhm dengtheung kangpreang ne; ni ly nang chawn i, sa thai naira awm nai khumi leaungrei py ne.

1 SAMUELA 9:1 ပူးပေါင်းရင်းမြစ်များ

2 SAMUELA 19:32

Bazilai ly saneng vui tajarei awm i, khri pa-rei miteaung cheang na veng bo. Ni ly khri pa-rei nang chawn nai khumi ne nai deaungkho y, Mahanaim mary theung y samrang anawn nai thym khala, teicha teinei sabawm pi nai khumi ne.

ESTHER 2:5

Naibaly Susa mary pui theung y Ja-ira i chapo Modekai napi nai Juda cheng leaungrei awm. Ni ly Benjamin nupai theung i ne i, Kisha hawi Shimei nini i kangpreang ne.

JOBA 1:3

Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

AMTAW 13:21

Naibaly hunai bo y nichi ly samrang hnei u i, Tameuh my saneng vui palyhrei sala y Sawla, Kisa i chapo. Benjamin cheng i khumi ai ly mymychi teng y khai pi.

1 SAMUELA 10:23

Naibaly nichi my angpreng iy Sawla ai khumichi theung y patheu nai khala y, ni ly takhra khumi bawibawichi tleaung y, lu harei cho nai niu u bo.

1 SAMUELA 14:51

Sawla i ampo Kisa hawi Abana i ampo Nera ly Abiela i chapochi ne.

1 SAMUELA 25:2

Kaleb nupai theung i Mona mary y awm nai Nabala napi nai khumi leaungrei awm; ni ly Karamela mary sahawi y awm nai khumi kanang ne. Ni ly beram 3,000 rei hawi mi-i 1,000 rei awm nai deaungkho y, khri pa-rei nang nai khumi ne. Ni i aju Abikaila ly mo-cha hawi i, tau cheng nai neampachy ne. Nabala ly paleung akhum iy, amangrang nai khumi ne. Nabala ly Karamela mary y, beram mui vau naimy awm.