1 SAMUELA 8:20 - Khumi Common Language Bible

²⁰ kaichi ly pri takhrachi kamta, kaimychi ai peang iy kaimychi i tavai keung y lu sa naimy tiu pi nai samrang ngai,” nanai takeng u.

1 SAMUELA 8:20 ပူးပေါင်းရင်းမြစ်များ

SAM 106:35

huni khumichi hawi apom u iy, nichi i reita tanynchi teaung u bo.

THEU NAI 33:16

Nang ly kaichi hawi vanrei chei hai y lawh baly, nang ly nangmy i khumichi hawi kai ai paleung no, nanai ami pany thai ai mo? Nang ly kaichi hawi vanrei awm hai khala naini, kaichi ly khaileaung pri i cheng takhrachi hawi amtleh nai amny ai,” napi.

Kati Nai 23:9

Kai ly lengseaung puichi saleung mang nichi ai kaniu; kai ly mawi aheungchi mang nichi ai kaniu. Nichi ly mychi tlairei awm nai cheng vuijyn harei ne; Nichi ly khumi cheng bawibawichi tleaung y amtleh takhra nai khumichi ne. Takhra khumichi tleaung y malawn py amtheaungra nga keh naichi ne, nanai nichi apany u.

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

ROM AVANGCHI TENG Y PAWLA I CHA PA NAI 12:12

Areng i kalop so u ly; athang khai naira y kawn u ly; patang naira y kham pajau u ly; chiu sa ai nai patlaw u moh;

II KORINTH 6:17

Hunai deaungkho y Tameuh my ly, “Nichi theung i nai theu u ly takhra awm u, napi i, Atiti chai y naichi ly den py nam u moh;

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

PHILIPI 3:20

Na i py achi i khuteng sa nai ly kani pri mang y ne; achi ly Paheng Keung, Areng Isu Krista ai ly hu i dengdairei satla ai nai ajeng jojo nai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

1 SAMUELA 12:12

Na i py nangchi ai Ammon samrang Nahasa my ang tiu ai nai sa nai khala y, nangchi ly Areng ai samrang palawn y i, nangchi ai peang ai nai samrang khai pi ai nai, kai teng y hnei u bo.

1 SAMUELA 12:2

vai, nangchi ly lu sa nai keung nga u bo. Kai ly miteaung cheang, sam py pau bo; kai i chapochi py nangchi hawi vanrei awm. Kai ly deaungdi khala i dengdairei, nangchi ai lu kang sa pi bo.

1 SAMUELA 8:5

Naibaly nichi my ni teng y, “Khen cham, nang ly miteaung cheang bo; nang i chapochi ly nang i sa nai kamta so u y lawh. Hunai deaungkho y kaichi ai peang ai nai samrang khai pi; naibaly pri takhrachi kamta, kaichi py samrang awm teang ai,” napi.