1 SAMUELA 8:18 - Khumi Common Language Bible

¹⁸ Huni neng tym nai khala y, nangmychi my vawi takhra nai samrang molam y, tangam u naimy josei u ai. Na i py Areng my, nangchi i tangam nai, josei lengleang nai ly tangai pi ai ny y,” napi.

1 SAMUELA 8:18 ပူးပေါင်းရင်းမြစ်များ

2 NENG SATANG 10:11

Kai i ampo my ly nangchi i tlang tleaung y myn kaji ang tleang bo. Kaimy ly huni tleaung y ji nai myn tleang ai. Ni ly nangchi ai vuiha beang hawi ang pakhau; kai ly pakhaura vuinawn hawi kang pajeaung ai!’ nanai thui pi,” napi u.

JOBA 27:8

Tameuh by y nai khumichi i hengra ai, Tameuh my la pi veng nai neng khala, nichi i vui ati athang khai naira awm ai mo?

JOBA 27:9

Nichi patang nai neng khala, vo hang nai raawi ly Tameuh my thai pi na a?

SAM 18:41

Nichi ly “Sabawm kyh ba,” nanai aeu u teu i py, nichi ai ami py sabawm pajau y; nichi ly Areng ai palau u teu i py, mymy ly nichi ai pathang pi y.

LEU KACHENG 21:13

Khumi kamawnchi i vo tangam nai raawi thai ai nai ngai y nai khumi ly mymy naimy kasabawmra hnei nai, vo tangam nai khala ly ami py thai ai ny y.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

ISAIA 8:21

Khumichi ly mymychi i pri y paleung phra athosi naimy kajeu alam iy heng u ai. Nichi ly kajeu alam nai hawi kado theu naichi molam y, mychi i samrang hawi mychi i Tameuh ai josei u ai. Nichi ly kani mang y khen angdeang kalau nai khala py,

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

1 SAMUELA 8:17

Ni ly nangchi i beram kanghu theung i, horei y harei ang la pi ai. Naibaly kangkhym y ly nangchi py, ni i miseaung y lawh u ai.