1 SAMUELA 7:6 - Khumi Common Language Bible

⁶ Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)

1 SAMUELA 7:6 ပူးပေါင်းရင်းမြစ်များ

ATITI AWM ANGCHEI NAI 31:49

Labana my thui bi nai ly “Ani amprei teu i py Areng my ani ai kry jojo na sy,” napi. Hunai deaungkho y huni meingtym ai ly Mizapa, nanai amyn pei bo.

2 SAMUELA 14:14

Achi bawibawi ly dei ai nai khumichi ne. Achi ly khaileaung y beu nai tui hawi atawm. Huni tui ai vei teang ai nai ngo y leang bo. Tameuh malawn py, dei nai khumi ai heng hai teang y leang. Na i py samrang ly pri palacho leaungrei ai, palau teang pajau nai ne.

1 ARENG KEH 8:47

Huni pri ly khri pa-rei palo teu i py, nang i khumichi chiu sa hnei takeng nai ly tangai pi kyh ba. Nichi ly huni pri y awm nai khala uikheih nai tarawi y mychi ly kamngo mana tanrei sa tamang na mo, hawi y na mo, nanai ahui iy nangmy teng y chiu sa hnei takeng lawh baly aw Areng, nichi i hnei takeng nai pathang pi kyh ba.

1 NENG SATANG 11:18

Huna nai khala amyn amthang nai sorai leaung thomreichi ly Philistia khumichi tai naira y tako prei i, tuikanra i tui maidenreichy deu iy, Davida teng syn pi. Na i py samrang ly huni tui nei pi y. Huni tui nei ai nai tleaung y ly Areng teng y talam nai leih vui bo.

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

NEHEMIA 9:27

Huna nai y nang ly paleung ka-echi teng y, nichi ai peang vui ai nai pei bo. Nichi patang naira avum nai khala ly kasabawmra nga ai nai, nang teng y aeu u. Hunaibaly nang ly kani pri mang dengdairei thai iy, pahen naira len parai nai hawimy, nichi ai paleung ka-echi kiu i nai atleu ai nai, lu sa naichi ai pato pi.

JOBA 16:20

Ahawi kamrawichi ly kai ai cheh u; Kai ly Tameuh i mo y meikatui tla naimy kaawm bo.

JOBA 3:24

Kai ly teicha teinei cha ai nai tleaung y ly kavo kahang nai ne. Katangam nai ly mana khala py, anawn pajau ai ny y leang.

JOBA 33:27

Ni ly mipuichi mo y, “Kai ly kamngo sa tamang lawh bo; hawi naira kaso y teu i py, Tameuh ly kai ai atleu.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 106:6

Kaichi ly amsi pajochi kamta, kamngo sa u; khumi aso y nai kasa u bo.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 6:6

Kai ly paleung si paleung mawn nai molam y paha naimy awm bo. Dym tleirei kavo nai deaungkho y, ira ly sui be na bo. Kai i lutleang ly meikatui suipla naimy awm bo.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

JEREMIA 31:19

Kaichi ly nang teng i nai hi vui teu i py, kra y naimy nang teng y vawi ali teang ai nai ka-dawn u vau bo. Nang i parip nai dawn pany vau nai khala kaichi ly paleung atum naimy paleung ama u nai ne. Kaichi ly deaungdi kala kamngo kasa u nai deaungkho y kangji nga iy tahm anem u bo.’

JEREMIA 36:9

Josia i chapo Juda samrang Jehojakim i samrang atheng nai pa-ngo saneng, takawrei lo y, Israela khumichi ly Areng y meimai nga ai nai molam, biu hai ai nai neng thai hai nai deaungkho y, Jerusalem mary i khumi bawibawichi py, Juda mary tleirei i jeu u nai khumi bawibawichi py, biu hai u bo.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 3:49

“Areng ly kani pri mang dengdai khen kathiu iy niu nai pa-rei, kai i mei katuichi ly anawn y naimy leaung jo bo.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 20:4

“Nang khumicho awi, nang ly nichi ai cham ai nai angveirym bo a? Angveirym baly cham cham. Nichi teng y mymychi amsi pajochi i amso ngai naira sa nai saichi pany hai pi.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

Levi 16:29

Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 26:40

“Na i py nangchi i kangpreangchi ly nichi i kamngo hawi amsichi i kamngochi ahui u ai. Nichi i amsi pajochi ly kai ai ka-awi sa iy tiu u i,

LUKA 15:18

Kai ly angthau iy ngaai teng y chei ai i mymy teng y, Ngaai, kani pri mang i hawi nang i mei ka-niu y py kai kamngo sa lawh; nang i chapo pathi ai nai py ataing y leang bo;

JOSUA 18:26

Mizapa mary, Khephirah mary, Moza mary,

TARA CHIH NAI KEUNGCHI 10:10

Huna nai khala Israela chengchi ly Areng ai vo naimy kadeaung u i, “Kaichi ly nang i tlang tleaung y tamang u bo; kaimychi i Tameuh ai khai su iy, Bala tameuhchi ai kachiu u lawh bo,” nanai ahui u.

TARA CHIH NAI KEUNGCHI 10:15

Na i py Israela chengchi my Areng teng y, “Kaichi ly kamngo sa tamang u bo; nangmy ngai nai kamta kaichi ai so ba; na i py vai, hini tlenrei ly kaichi ai atleu kyh ba,” nanai takeng u.

TARA CHIH NAI KEUNGCHI 2:4

Hina nai kamta kani pri amtaw thau naimy thui chum nai khala, Israela cheng bawibawichi ly khri pa-rei vo u.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

TARA CHIH NAI KEUNGCHI 3:10

Areng i phailo ly ni i tlang tleaung y tym i, ni ly Israela chengchi ai lu sa nai keung y lawm bo. Othniela ly tavai tiu ai nai chei i, Areng ly ni ai eaung naira pei nai deaungkho y, Mesopotamia pri i samrang ai eaung vui nai ne.

1 SAMUELA 1:15

Hannah my, “areng awi, kai ly rah pavui y leang, rah py kanei y leang; kai ly khri pa-rei paleung hawi y i, kaimy i patang nai sai Areng teng y amti pi nai chiu kasa nai teu;

1 SAMUELA 10:17

Samuela ly khumichi ai Mizapa mary y palau achu hai i,

1 SAMUELA 12:10

Naibaly nichi ly sabawmra nga ai nai Areng ai palau u i,’ Kaichi ly kamngo sa tamang u bo; Areng ai khai su iy Bala tameuh hawi Asatare tameuh nu i mynchi ai chiu u. Kaichi ai paleung ka-echi kiu i nai atleu pi kyh ba; kaichi ly nang ai kang chiu u ai!,’ nanai takeng u bo.

1 SAMUELA 7:15

Samuela ly mymy deungrei, Israela chengchi ai peang nai ne.