1 SAMUELA 6:5 - Khumi Common Language Bible

⁵ Huna nai y uisalu i myn, nangchi i pri ai taphra nai paju mynchi sa iy, Israela chengchi i Tameuh ai tahm khai nai hawimy, palo ai nai tla. Mymy ly nangchi hawi nangchi i tameuhchi ai py, nangchi i pri ai py, pajeng nai ly anawn hai lym ai mang.

1 SAMUELA 6:5 ပူးပေါင်းရင်းမြစ်များ

1 NENG SATANG 16:28

Khaileaung pri khumi bawibawichi awi, Areng ai palo u; mymy i nang parai nai hawi sa thai naira ai palo u.

1 NENG SATANG 16:29

Nang parai nai keung Areng i amyn palo u. Katalamra syn naimy mymy i Achura yhm y kun u. Chai parai nai keung ang jeu nai khala lu meung u.

SAM 18:44

Cheng takhra khumichi ly kai i mo y lu meung u; nichi ly kai i leu pei nai thai nai khala tangai u bo.

SAM 32:4

Aw Areng, nang ly kai ai vum kanithun kamngo pajeng bo. Kanipui kabi saho y am-i nai ly phui rawm vui nai kamta, kai i atho py khei be veng bo.

SAM 39:10

Kai i tlang tleaung y kamngo pajeng bi moh kyh ba! Nangmy pei nai tamo kalemchi molam y, kai ly kadei vi na bo.

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

THEU NAI 12:12

“Huni vum y kai ly Aikupta pri verei y amki ai i, khumi i chapo chalu hawi tawnbawi cho chalu ngiereichi ai padei ai; Aikupta pri verei i tameuhchi ai py kapajeng ai; Kai ly Areng ne.

THEU NAI 8:17

Naibaly Aron ly cheaungvawi hawi khaileaung y pakhau i, Aikupta pri i spryh ly saimawmchi lawm iy khumichi hawi tawnbawichi i tlang tleaung y ahi mengmeaung nai kei tengteang bo.

THEU NAI 8:24

Naibaly Areng my pathau kanghu kang-ang pui ly samrang i yhm, mymy i bangtangchi i yhmchira y py, theu hai i, Aikupta pri verei ly phra vi na bo.

THEU NAI 8:5

Naibaly Areng my Mosi teng y, “Aron ly tavo, angdum, tuikanchi salo y cheaungvawi hawi kiu jaha sy, Aikupta pri verei y uipho theu hai ai, tapi,” napi.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 42:12

Pri kamlora i khumichi py Areng ai palo iy, nang parai nai sai amthang hai u sy!

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JOELA 2:25

Nangchi i amti amjangchi ai akhutama kanghuchi my cha krai nai sanengchi khala, nangchi i phra nai ai, kaimy kang heung pi teang ai. Nangchi teng y huni akhutama kanghuchi ai, pato nai keung ly kai ne.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

Kati Nai 33:4

Huna nai thym khala Aikupta chengchi ly Areng my pajeng naira avum nai chapo chaluchi i veu up thym nai ne. Huna nai pajeng nai molam y, Areng ly Aikupta chengchi i tameuhchi tleaung y sa thai naira len keh nai sai patei pi nai ne.

JOHAN 9:24

Hunaibaly mei kamju ai pa-nyh heang bi i mymy teng y, “Tameuh ai palo, huni khumi ly kamngo ne, nanai kaichi pany,” napi.

JOSUA 7:19

Josua my ni teng y, “Deang awi, Israela chengchi i Areng Tameuh i mo y meitang khyp thui ba. Nang i sa nai saichi apha y naimy kai teng y thui pi ba,” napi.

AMTENG HAI NAI 11:13

Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.

AMTENG HAI NAI 14:7

naibaly mymy ly tao pajeng parai naimy, “Tameuh ai tahm khai ly, mymy ai palo u:ati mana nai mo nabaly mymy i tara chih nai neng tym bo: kani khaileaung hawi pangli hawi, tuinochi py sa nai keung ai ly chiu u,” napi.

AMTENG HAI NAI 16:9

Naibaly khri pa-rei bi nai deaungkho y khumichi ai ly akeaung hai tlau bo; naibaly nichi ly huni patang hai naira peang nai keung Tameuh i amyn thui tamawn iy, mymy ai palo ai nai uikhei nai paleung ngo u y leang.

1 SAMUELA 5:11

Naibaly nichi ly Philistia samrang leaung pangreichi ai palau bi i, nichi teng y, Israela chengchi i Leu Maikawm Pawm ai, my i awm nai meingtym y tha u teang; huna khala naini, kaichi hawi kaichi i yhm dengtheungchi ly deira i nai lawi u ai,” nanai thui u. Tameuh ly nichi ai khri pa-rei pajeng nai deaungkho y, mary verei jei hyn u nai ne.

1 SAMUELA 5:9

Na i py huni mary y Leu Maikawm Pawm tym baly, Areng ly huni mary ai py pajeng lawh nai deaungkho y, khumichi ly angtheng u na bo. Mymy ly katheang kalen vawi y naimy, khumichi i tlang tleaung y uisalu man hai iy pajeng nai ne.

1 SAMUELA 6:8

Hunaibaly Areng i Leu Maikawm Pawm ai ka-ri tleaung y theng ly nangmychi i kamngo ahui nai katalamra napi nai muku mynchi ai, takhra pawm hareira y khai iy Pawm sahawi y khai; hunaibaly ka-ri ai ngai naira mang y theu hai ba.