1 SAMUELA 6:4 - Khumi Common Language Bible

⁴ Philistia miteaung kehchi my, “Kaichi ly ati katalamrachi talam ai mo?,” nanai deng u. Naibaly nichi my, “Nangchi ly samrang leaung pangreichi ai, leaungrei y muku uisalu myn pangrei hawi, muku paju myn pangrei talam u ai nai tla. Samrang leaung pangreichi hawi nangchi bawibawi ly no mi amjy harei avum u nai ne.

1 SAMUELA 6:4 ပူးပေါင်းရင်းမြစ်များ

THEU NAI 12:35

Israela chengchi ly Mosi my thui pi nai kamta Aikupta chengchi teng i muku ateaung, tangka ateaung hawi kanih ateaungchi hnei u bo.

JOSUA 13:3

tokalawi mang y awm nai Avim chengchi i peang nai khu verei ai, peang vui ai nai awm rai nai ne. (Aikupta pri khujyh theung y awm nai Shihor micheaung dengdairei, tosyh mang Ekron khujyh tym pa-rei kau nai khu ka-peang ly Kanan chengchi awm nai khu ka-peang ne. Philistia samrangchi ly kaza mary, Arzu mary, Esakalon mary, Kath mary hawi Ekron marychira y peang nai ne.)

TARA CHIH NAI KEUNGCHI 14:19

Areng i sa thai naira ly Samson teng y tlenrei khyhmy atho ham hai nai deaungkho y, ni ly Asakelon mary y chei iy, khumi leaung phaireichi ai padei i, nichi teng i ateaung kahawichi la pi pawn nai khala, achi-aki nai thui pachai thai nai khumichi teng y pei pi. Huni bo y ni ly kado theu i, yhm mang y vawi bo.

TARA CHIH NAI KEUNGCHI 3:3

Huni pri theung y awm jo rai nai khumi chengchi ly Philistinchi i mary pangrei ra i Philistin khumi, Kanan khumi bawibawichi, Sidon khumichi hawi Bala Heramon dengdairei, palo parai nai Hamath mawi aleaung mang y khrairei awm nai, Lebanon mawi y awm u nai Hivit khumichi ne.

1 SAMUELA 5:12

Dei y nai khumi malawn py, uisalu man nai deaungkho y, khumichi ly sabawm naira nga thai ai nai, tameuhchi teng y hnei takeng u bo.

1 SAMUELA 5:6

Areng ly Asadod mary i khumichi ai, khri pa-rei pajeng nai deaungkho y, jei hyn hai bo. Huni mary i khumichi hawi tengpang y awm nai khumichi ai uisaluchi man hai iy pajeng bo.

1 SAMUELA 5:9

Na i py huni mary y Leu Maikawm Pawm tym baly, Areng ly huni mary ai py pajeng lawh nai deaungkho y, khumichi ly angtheng u na bo. Mymy ly katheang kalen vawi y naimy, khumichi i tlang tleaung y uisalu man hai iy pajeng nai ne.

1 SAMUELA 6:5

Huna nai y uisalu i myn, nangchi i pri ai taphra nai paju mynchi sa iy, Israela chengchi i Tameuh ai tahm khai nai hawimy, palo ai nai tla. Mymy ly nangchi hawi nangchi i tameuhchi ai py, nangchi i pri ai py, pajeng nai ly anawn hai lym ai mang.

1 SAMUELA 6:8

Hunaibaly Areng i Leu Maikawm Pawm ai ka-ri tleaung y theng ly nangmychi i kamngo ahui nai katalamra napi nai muku mynchi ai, takhra pawm hareira y khai iy Pawm sahawi y khai; hunaibaly ka-ri ai ngai naira mang y theu hai ba.