1 SAMUELA 6:21 - Khumi Common Language Bible

²¹ Kiria Jearim mary i khumichi teng y savaichi pato iy, “Philistia chengchi ly Areng i Leu Maikawm Pawm ai, ang tha pi teang bo, nangchi jeu iy Pawm angjeaung u,” nanai taviu u bo.

1 SAMUELA 6:21 ပူးပေါင်းရင်းမြစ်များ

2 SAMUELA 6:2

Kherubenchi i pakhi deung nai salo y awm nai, ati cheaungkhang sa thai nai deungtasa Areng i amyn pathi nai, Leu Maikawm Pawm la ai nai Juda pri Bala mary mang y amsa u bo.

SAM 78:60

Achi teng awm nai Siloh mary i kanih yhm ai mymy ly khai su nai ne.

JEREMIA 26:20

(Areng i amyn y leu thui nai keung takhra khumi leaungrei awm rai. Huni khumi ly Semajah i chapo, Keriah Jearim mary i Uriah ne. Ni ly hini mary hawi hini khumi chengchi ai ka-awi sa iy, Jeremia i thui nai kamta thui teang.

JEREMIA 7:12

Kai ai chiu nai meingtym lawm ai nai vawi takhra manme nai Siloh avang y chei iy, kai i khumi Israela mipuichi i sa tamang nai molam y, huni avang ai kaimy mana kasa mo, nanai khen u cham.

JEREMIA 7:14

Hunai deaungkho y nangchi ym u keh nai hini kai i Achura yhm ai, Siloh avang y kamta kasa teang ai. Nangchi i amsi pajochi hawi nangchi ai kang pei nai, hini meingtymchi ai ly Siloh avang y kamta kasa teang ai.

JOSUA 15:60

Huni bo y Kiria Bala mary, (ti y baly Kiriajarim mary) hawi Rabba mary napi nai mary kalen nyhrei hawi vanrei, tengpang sahawi i mary katheang kalenchi py abawi nai ne.

JOSUA 15:9

Hu i nai bi baly Nipha daichi tuikho hawi, Ephron mawi sahawi i marychi katlen prei iy, Baala (ti y baly Kiriajarim mary) mang y amhi nai ne.

JOSUA 18:14

Huni bo i khujyh ly huni mawi nidym mang dengdairei, Juda theaungchi i Kiria Bala mary (ti y baly Kiriajarim mary) tym pa-rei, tokalawi mang y ang vum kathiu nai ne.

JOSUA 9:17

Hunai deaungkho y Israela chengchi ly huni meingtym i nai theu u nai pa-thom kani y, huni khumichi i awm nai marychi, Kibeon mary, Kephirah mary, Beroth marychira y tym u.

TARA CHIH NAI KEUNGCHI 18:12

Nichi ly Juda pri, Kiria Jarim mary y tai u. Huna nai molam y huni meingtym ai ly Dan tavai taira, nanai vaini khrairei amyn awm jo nai ne.