1 SAMUELA 6:2 - Khumi Common Language Bible

² Philistin cheng miteaung kehchi ly pathyp pi nai keungchi hawi, dawi sarachi ai palau iy, “Areng i Leu Maikawm Pawm ai achi mana sa ai mo? huni Pawm ai angchei khala i meingtym y tha pi teang ai nabaly, huni hawi vanrei ati katalamra pei ai nai avo na mo?,” nanai deng u bo.

1 SAMUELA 6:2 ပူးပေါင်းရင်းမြစ်များ

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

THEU NAI 7:11

Huna nai khala samrang ly ni i khumi kachengchi hawi atam kakawpchi ai palau i, nichi py huni ka-tawm khyp sa u teang nai ne.

ISAIA 2:6

Aw Tameuh, nang ly Jakob i katu chanauchi ne nai, nangmy i khumichi ai khai su lawh ly! Nichi i pri py nisi mang i prichi, Philistin chengchi i atam kakawp teaung naichi hawi kawi na bo. Mipuichi ly pri takhra reita tanynchi teaung u nai ne.

DANIELA 2:2

Hunai deaungkho y mymy ati amang theu nai mo, nanai thui pi ai nai leung kawp naichi, atam kakawpchi, vawinam pakun kawp naichi, uimiu khawn naichi ai palau hai bo. Nichi ly samrang i mo y tym u nai khala y,

DANIELA 5:7

Naibaly atam sarachi, vawinam pakun kawp naichi hawi ka-si kamhi khen kawp nai keungchi ai jeu hai ai nai aeu iy, miseaung leaungrei ai pato. Huni khumichi tym u nai khala y samrang my, “Huni cha lam phain iy awm nai sai, kai teng y thui pi thai nai khumi ai samrang i ateaung kamsen jeaung amthyp hai ai. Tahm pateng nai muku leng py awi hai iy, kai i pri y pa-thom sa thai naira awm keh nai keung lawm ai nai, kaimy khai takhra ai,” napi.

MATTHAI 2:4

Hunaibaly pathyp pi nai keung kalenchi hawi, khumichi ai Reita patiu nai keungchi bawibawi ai py palau achu iy, Krista ai tapen ai nai meingtym deng.

1 SAMUELA 5:8

Naibaly nichi ly Philistia samrang leaung pangreichi teng y savaichi pato iy, palau i nichi teng y, “Israela chengchi i Tameuh i Leu Maikawm Pawn ai, kaichi mana kasa u aimo?” nanai deng. Samrangchi my, “kath mary y tha u,” napi i, Leu Maikawm Pawm ai Philistia mary harei, kath mary y tha u bo.

1 SAMUELA 6:1

Areng i Leu Maikawm Pawm ly Philistia pri theung y lo saryhrei awm nai bo y,