1 SAMUELA 6:19 - Khumi Common Language Bible

¹⁹ Beth Sheme mary i khumi leaung vui saryhreichi ly Leu Maikawm Pawm theung y khen lawh nai deaungkho y, Areng ly nichi ai dei ai nai pa-rei pajeng bo. Mary i khumichi ly mychi i khumi neangneangchi ai padei nai deaungkho y, vo tangam u.

1 SAMUELA 6:19 ပူးပေါင်းရင်းမြစ်များ

2 SAMUELA 6:7

Areng ly kado theu i, Uzah i sa nai ly tahm khai y nai lawm vui nai y padei vui. Naibaly Uzah ly Leu Maikawm Pawm sahawi y dei bo.

2 NENG SATANG 25:21

Hunai deaungkho y Israela samrang Jehosha ly Juda samrang Amazia hawi tavai atiu bo. Juda pri Beth Sheme mary y atiu i,

THEU NAI 19:21

Naibaly Areng my Mosi teng y, “Nang ly mawi anui y satlo kathiu ly khumichi my kai ai avum ai nai ang jeu nai khala, jyh ka-ma-ra kan y ai nai thui pi; kan u lawh baly khumi neangneang dei ai.

THEU NAI 33:4

Israela chengchi ly huna nai leu pei nai thai nai khala paleung mawn u i, vang kateng ateaungchi ateaung u y bo.

Kati Nai 1:51

Nangchi ly tai asyh nai tleirei Levi theaungchi my Tabynako ai vym iy, meingtym kangthara Tabynako ai tahyh bi ai nai tla. Levi theaungchi ny y naimy takhra khumi leaungrei ly Tabynako sahawi y ahai lawh baly, huni khumi ai ly padei takengkei ai nai tla.

Kati Nai 4:15

Tai naira asyh ai nai neng tym baly Aron hawi ni i chapochi my ateaung alang kachai bawibawichi ai khiu chum nai khala naini, kohath i nupaichi ly jeu iy, huni ateaungchi angjeaung u ai nai tla. kohath nupaichi ly huni ateaung alangchi ai kiu hawi abi pajau y; abi lawh baly dei u ai. Tabynako asyh nai tleirei kohath i nupaichi ly huni kalopchi sa u ai nai tla.

Kati Nai 4:18

“kohath nupai ly huni vawn chai keh nai ateaung alangchi abi y ai nai hawi, abi lawh baly dei y ai nai, hunichi sahawi y ahai ai nai pei moh. Huna naichi avum y ai nai Aron hawi ni i chapochi ly Tabynako theung y kun iy, khumi luteng sa ai nai kalop hawi angjeaung ai nai kalopchi py pasym pi akyhkyh ai nai tla.

Kati Nai 4:20

Na i py kohath khumichi Tabynako theung y kun iy, ateaung alang kachaichi ai khen u lawh baly dei u ai,” napi.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?