1 SAMUELA 6:14 - Khumi Common Language Bible

¹⁴ Ka-ri ly Beth Sheme mary i khumi Josua i li y tym nai khala, lengseaung pui sahawi y anawn bo. Khumichi ly huni ka-ri taphra u iy si nu tleh i, leng patlum nai kapathypra palawn naimy, Areng teng y talam u bo.

1 SAMUELA 6:14 ပူးပေါင်းရင်းမြစ်များ

2 SAMUELA 24:18

Huni kani y my Kad ly Davida teng y chei i ni teng y, “Nang ly Jebusi khumi Araunah i choh ati nai meingtym y chei ly Areng i vui maicham so,” nanai Areng i leu pei nai amti pi bo.

2 SAMUELA 24:22

Araunah my, “Samrang awi, hini choh atyhra meingtym lo ba; nang i ngai nai kamta Areng teng y talam ba. Maicham salo y leng patlum ai nai si kataichi py hi y awm; theng palawn ai nai li thawnra taveangchi, choh atyhra ateaungchi py, hi y awm.

2 SAMUELA 24:25

Samrang ly huni meingtymra y Areng i vui maicham sa iy leng patlum nai hawi amkawm teang nai kapathyprachi talam bo. Areng my py samrang i chiu sa nai pathang pi i, Israela pri y no kanghawi anawn hai bo.

1 ARENG KEH 19:21

Hunaibaly Elisa ly my i si nyhrei tleh iy li thawnra kateang ai theng palawn i theaung bo. Naibaly mawi an ly khumichi ai pacho; huni chum baly Elija nithun abang jo nai ne.

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

TARA CHIH NAI KEUNGCHI 21:4

Khumichi ly khawn khutawi kangthodyh khalaang thau u iy, huni meingtym y maicham sa u i, amkawm nai kapathypra hawi leng patlum nai kapathypra talam u.

TARA CHIH NAI KEUNGCHI 6:26

Huni mawi tangbiu saleung y nang i Areng Tameuh i vui maicham khaw pa-rei so ba. Huni bo y pa-nyh i si katai la iy, nangmy paliu vui nai kani anglo Aser ai pany jo nai ka-ma-ra ai theng palawn iy mai patawi ly talam ba,” napi.

1 SAMUELA 11:5

Huni neng khala y Sawla ly my i si kataichi hawi, li i dengdairei vawi teang. Naibaly ni ly “Ati mana nai mo?” nanai deng; khumi bawibawichi ly ati mana nai y vo u nai mo? Khumichi ly Jabe mary i savaichi my syn nai satang ai, ni teng y amti pi.

1 SAMUELA 20:29

mymy ly ‘pahen parai naimy kai ai chei ai nai pei kyh,’ huni mary y kai i amjo amnauchi ly apathyp nai pawi sa nai deaungkho y, kai i amjo amnauchi my jeu ai nai tla, ang napi; nang ly kai ai ahawi palawn baly, kai ai amjo amnauchi hawi avum ai nai pei kyh, nanai ang takeng. Hunai deaungkho y ni ly nang i sahawi y by y nai ne,” nanai pathang.

1 SAMUELA 6:13

Beth Sheme mary i khumichi ly leaunghawi theung y choh tyn u nai thym y angdeang u nai khala, Leu Maikawm Pawm ai niu u nai deaungkho y, khrikhri pa-rei amo theu u.

1 SAMUELA 6:18

Nichi ly muku paju myn ai py, Philistia samrangchi i peang nai khaw parai nai marychi hawi avangchi i vui, mary ha harei y harei tha pi u bo. Beth Sheme mary Josua i li y, Areng i Leu Maikawm Pawm khai nai lengseaung pui ly huni neng khala y avum nai saichi ly pany hai nai ne i, vaini khrairei awm.